ЯҢАЛЫКЛАР
Теләченең 1нче балалар бакчасында педагоглар ата-аналар белән бергә экологик сукмак булдырган. Балалар бакчасы территориясендә алар «Метеостанция», «Гөмбә аланы», «Кырмыска оясы», «Умарталык», «Кош җимлеге», «Ылыслы урман», «Кошлар янында кунакта» һ.б. табигать объектларын урнаштырганнар.
Бүген аппарат киңәшмәсе барышында Төньяк территориаль идарәнең 2020 елның беренче яртыеллыгындагы эш нәтиҗәләре тыңланды. Доклад белән идарә башлыгы Ленар Касыймов чыгыш ясады. Исегезгә төшерәбез, идарә Әтнә, Балтач, Арча, Кукмара, Саба һәм Теләче районнары территорияләрендә төбәк экология күзәтчелеген алып бара.
Бүген Татарстан Республикасы Татар Автономияле Совет Социалистик Республикасы төзелүгә 100 ел тулуны бәйрәм итә. ТР Экология һәм табигать ресурслары министрлыгы белгечләре дә республика тарихында мөһим булган әлеге вакыйгадан читтә калмады һәм бәйрәм датасына багышланган экологик дәрес үткәрде.
Экологик мониторинг барышында инспекторлар 2000 кв. метрдан артык мәйданлы чүплек урынын ачыклаган. ТР Экология һәм табигать ресурслары министрлыгының Төньяк территориаль идарәсе хезмәткәрләре Арча районы Өчиле авылыннан ерак булмаган урында торак калдыклары, резин шиннары, шифр, ботак, үсемлек калдыкларыннан рөхсәтсез чүплеккә тап булган. Чүпләнгән территориянең күләме 800 куб. метр тәшкил итә.
Татарстанның Экология һәм табигать ресурслары министрлыгына гражданнардан Түбән Аты авыл җирлегендә рөхсәтсез чүплек булуы турында мөрәҗәгать килде. Министрлыкның Төньяк территориаль идарәсе инспекторлары квадрокоптер ярдәмендә табигать саклау законнары бозылу очрагын теркәгән.
Арча 7нче урта мәктәбенең башлангыч сыйныфлар укучылары үзләренең яшьтәшләренә нинди экологик белемнәргә ия булуларын күрсәткән. Популяр мультфильмнар карау, шигырьләр сөйләү, плакатлар бәйгеләре, викторина, музыкаль чыгышлар чын мәгънәсендә экологик бәйрәмгә әйләнгән.
Югары Арбаш урта мәктәбендә төбәкара конференция уздырылган. Чара Бөек Ватан сугышында Җиңүгә 75 ел тулуга, ТАССР 100 ел һәм Кукмара районына 90 ел тулуга багышлап үткәрелгән.
Әтнә районы Түбән Көек урта гомуми белем бирү мәктәбендә “Туып үскән ягыбыз – яшел бишегебез ул” дигән чара булып узган. Анда 6 һәм 8 сыйныфлар укучылары театрлаштырылган тамаша әзерләп, яшьтәшләренә туып-үскән ягыбызның табигатенә карата мөнәсәбәт буенча дөрес карарларга килүнең мөһимлеген җиткергән.
Карап торышка гадәти генә тоелган әйберне ничек итеп мәсәл, әкият яки хикәя героена әйләндерергә? Арча районы Үрнәк балалар бакчасын табигый материалдан эшләнгән үзенчәлекле әйберләр белән бизәгәннәр.
Арча районы Яңа Кырлай урта мәктәбендә “Кошкайларны кышын ашатыгыз” акциясе кысаларында әнә шул девиз астында башлангыч сыйныф укучылары белән викторина үткәрелгән. Балалар, командаларга бүленеп, канатлы дусларыбыз турында мәкальләр белү буенча ярышкан, шулай ук табышмаклар һәм ребуслар чишкән, канәгатьлек хисе белән сорауларга җаваплар биргән.