ЯҢАЛЫКЛАР
ТР Экология министрлыгының Көньяк-Көнчыгыш территориаль идарәсе инспекторларының законлы таләпләрен үтәмәгән өчен «Интэкс Казань» ҖЧҖ 50 мең сум күләмендә административ штраф түләячәк.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары 2019 елның октябрендә ук Лениногорск районы Кирлегәч авылыннан 2 км ераклыкта таудан читтә эшләр алып барылуын ачыклаган булган.
Әлмәттә Татарстан Республикасы Экология һәм табигать ресурслары министрлыгының Көнҗяк-Көнчыгыш территориаль идарәсенең 2020 елгы эшенә йомгак ясалды. Утырышта ТР экология министрының беренче урынбасары – әйләнә-тирә мохитне саклау өлкәсендә ТР Баш дәүләт инспекторы Фаяз Шакиров катнашты. Үткәрелгән эш турында Көньяк-Көнчыгыш территориаль идарәсе башлыгы Альберт Мәликов доклад ясады.
Туфракта – төзелеш калдыклары. Татарстан Республикасының Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Әлмәт шәһәрендә төзелеш мәйданчыгы территориясендә калдыкларны вакытлыча урнаштыру һәм туплау урыннары булмавын ачыклаган.
Әлмәт шәһәрендәге елганың су саклау зонасында төзелеш калдыкларын ташлаган вакытта экологлар тарафыннан транспорт чарасы тоткарланган. ТР Экология министрлыгының Көньяк-Көнчыгыш территориаль идарәсе инспекторлары исәпләвенчә, чүплекнең мәйданы 330 кв.метр тәшкил иткән.
Суд нәтиҗәсендә «Фортуна» ҖЧҖ Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсенә оттырган. Хокук бозучы белән ике арадагы суд бәхәсләре 2020 елда башланган.
Әлмәт районындагы кыргый ком карьеры территориясендә 2,6 мең м3 күләмендә киң таралган файдалы казылма (ком) законсыз рәвештә алынган. Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары узган елның октябрендә яшертен төшерелгән фото ярдәмендә урлау фактын теркәгән.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Лениногорск шәһәренең «Водоканал» ҖЧҖ агынты суларында нитритлар, аммоний һәм фосфатлар буенча күрсәткечләрнең нормативларны берничә тапкыр арттыруын ачыклаган.
Бүген ТР Экология министрлыгының Көньяк-Көнчыгыш территориаль идарәсе инспекторлары Нәриман елгасының яр буе полосасында законсыз рәвештә пычрак кар ташлау фактын теркәгән. Кар өемнәре бирегә Әлмәт шәһәренең бер предприятиесенең җитештерү базасы территориясеннән китерелгән, дип фаразлана.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары 2020 елның гыйнварында ук Лениногорск предприятиеләренең берсе тарафыннан ташлана торган юынты суларның сыйфатын тикшерә башлаган.