ЯҢАЛЫКЛАР

Бүген Экология министрлыгында Татарстан Республикасының климат сәясәте һәм декарбонизацияләү мәсьәләләре буенча ведомствоара эшче төркемнең чираттагы утырышы булып узды. Чарада ТР Президенты ярдәмчесе Ренат Галиев, экология министры урынбасары Ольга Манидичева, шулай ук республика предприятиеләре һәм оешмалары, ТР Фәннәр академиясе, ТР югары уку йортлары һәм министрлыклары вәкилләре катнашты.

Үзәк территориаль идарә инспекторлары, Лаеш районының «Химик-72» коммерциясез бакчачылык ширкәте территориясе янында биналарны сүтү һәм җимерүдән барлыкка килгән калдыкларны рөхсәтсез урнаштыру урынын ачыклаган.

«Донорлар форумы» грант бирүче оешмалар ассоциациясе тарафыннан Россия Икътисадый үсеш министрлыгы ярдәмендә коммерциясез оешмаларның «Санау ноктасы» («Точка отсчета») россиякүләм гавами еллык хисап конкурсы үткәрелә.

Кама аръягы территориаль идарәсенә гражданнардан Түбән Кама районының Каенлык Гривасы торак пунктыннан ерак түгел, җир снаряды эшләү аркасында яр җимерелә, дигән мөрәҗәгать алынган.

«Урман ераграк булган саен …» – 11 сентябрь көнне Зөбәрҗәт күле территориясендә (Юдино бистәсе) шундый исемле Үзәк өмә узачак. Җыештыру Россиякүләм өмә һәм «Экология» илкүләм проектының «Уникаль су объектларын саклау» федераль проекты кысаларында узачак. Оештыручылар – ТР Экология министрлыгы, ТР «Чиста булачак» яшьләр хәрәкәте, Россия география җәмгыятенең Татарстан бүлекчәсе. Акция квест-уен форматында оештырылачак.

Соңгы ун елда табигать саклау чараларына 23 млрд. сум кертелгән, аларның яртысыннан артыгы агынтыларны чистартуга юнәлтелгән, бу еллык җитештерү күләме 65% арткан очракта, 7 ел эчендә пычраткыч матдәләр чыгаруны 30 мең тоннага (51%) киметергә мөмкинлек биргән. «Казан Экспо»да узган А.И.Щеповских исемендәге «Сәнәгый экология һәм куркынычсызлык» бөтенроссия фәнни-гамәли конференциясендә СИБУР компаниясе әнә шундый саннар китерде. Россиянең эре нефть, газ, химия компаниясенең төп экологик проектлары турында СИБУРның экология буенча җитәкчесе Галина Христофорова сөйләде.

Татарстан Республикасы Экология һәм табигать ресурслары министрлыгы «ЭКОлидер-2021» республика конкурсында катнашу өчен гаризалар кабул ителә башлавы турында игълан итә. Анда катнашу өчен иң экологик предприятиеләр, уку йортлары, җәмәгатьчеләр, әйләнә-тирәлек проблемаларына битараф булмаган гражданнар, шулай ук ел дәвамында Татарстан Республикасы Экология һәм табигать ресурслары министрлыгы инспекторларының чын ярдәмчеләре булган журналистлар чакырыла.

Россиянең барлык төбәкләрендә 1-9 сыйныф укучылары экология буенча белемнәрен тикшерә ала. Конкурс агымдагы елның 13 сентябреннән 4 октябренә кадәр үткәрелә. Мәгърифәтчелек инициативасын «Илкүләм приоритетлар» АКО белән берлектә Учи.ру онлайн белем платформасы гамәлгә ашыра.

Бүген ТР Министрлар Кабинетында ТР Президенты Рөстәм Миңнеханов РФ табигать ресурслары һәм экология министры урынбасары Сергей Аноприенко белән очрашты, дип хәбәр ителә ТР Хөкүмәтенең рәсми сайтында. Чарада шулай ук Федераль урман хуҗалыгы агентлыгы башлыгы Иван Советников, Гидрометеорология һәм әйләнә-тирә мохитне күзәтү буенча федераль хезмәт җитәкчесе Игорь Шумаков, ТР экология һәм табигать ресурслары министры Александр Шадриков һәм башкалар катнашты.

ТР Экология һәм табигать ресурслары министрлыгы Татарстанның югары уку йортлары студентлары арасында экология буенча фәнни-гамәли эшләр конкурсын башлап җибәрә. Фәнни проектларның номинацияләре:

- табигый ресурслардан рациональ файдалану;

- табигатьне саклау технологияләрен эшләү;

- социаль экология.