ЯҢАЛЫКЛАР

Татарстанның Теләче районында “Һәр укучыдан сыерчык оясы” конкурсы үткәрелә. 5 – 15 март көннәрендә район мәктәпләрендә һәм өстәмә белем оешмаларында укучылар үзләре ясаган сыерчык ояларын күрсәттеләр. Жюри аларны шундый номинацияләрдә бәяли:
– “Оптималь вариант” – кошлар ихтыяҗына иң нык туры килә торган оя;
– “Әкият сарае” – иң матур һәм үзенчәлекле сыерчык оясы;
– “Сәер һәм мәзәк” – иң сәер һәм мәзәк сыерчык оясы;
– “Караучыларга ошаган өчен приз” – иң күп тавыш алган сыерчык оясы;
– “Иң актив мәктәп” – конкурста иң актив катнашкан мәктәп.
Һәр номинациядә җиңүчеләргә I, II, III урыннар өчен дипломнар һәм истәлекле бүләкләр биреләчәк.

Бүген “Казан ярминкәсе” күргәзмә үзәгендә, “ЧИСТА СУ. КАЗАН” V махсус күргәзмәсе һәм конгрессы кысаларында, “Халыкны һәм экономика объектларын су ресурслары белән гарантияле тәэмин итү мәсьәләсен чишү” дип аталган пленар утырыш булып узды. Чараның модераторы – Татарстан экология һәм табигый байлыклар министры Артем Сидоров иде. Утырышта Түбән Идел бассейны сулыклары идарәсе җитәкчесе Анатолий Быков, Әстерхан өлкәсе Хөкүмәте рәисенең тормышны тәэмин итү системаларын эшләтү һәм экологик куркынычсызлык буенча урынбасары Олег Полумордвинов һәм башкалар катнашты. Түбән Иделнең экологик балансын саклау, Татарстанның су мөнәсәбәтләре политикасын тормышка ашыру темаларына докладлар укылды, су чистартуда инновацион технологияләр куллануның Европа тәҗрибәсе каралды. Шулай ук “Татарстан Республикасы Гидрометеорология идарәсе”нең дәүләти күзәтүләр челтәре һәм аны үстерү перспективалары”, “Мәскәү шәһәре су объектларының торышы һәм тәҗрибәсе”, “Су объектларының төпке утырымнарына мониторинг: проблемалар һәм чишелешләр” дигән темаларга чыгышлар ясалды.

Бүген “Казан ярминкәсе” күргәзмә үзәгендә “ЧИСТА СУ. КАЗАН” V махсус күргәзмәсен һәм конгрессын ачу тантанасы булып узды.
Кунакларны һәм катнашучыларны Татарстан Хөкүмәте исеменнән республиканың экология һәм табигый байлыклар министры Артем Сидоров тәбрикләде. “Бу 2010 елдан соң бишенче конгресс-күргәзмә чарасы булып тора, – диде ул, – һәм мин монда бүген профильле дәүләт органнары җитәкчеләре, фән һәм җәмәгатьчелек вәкилләре, Россия һәм чит ил компанияләре белгечләре, ихтимал булган инвесторлар җыелганга шатмын. Бу әлеге чараның су өлкәсендәге киләчәк политикасын һәм практик эшләрне берләштерә торган мәйдан булып китүен бар нәрсәгә караганда яхшырак дәлилли.”

Бүген Татарстан Премьер-министры Илдар Халиков Түбән Идел бассейны сулыклары идарәсе җитәкчесе Анатолий Быков һәм Әстерхан өлкәсе Хөкүмәте рәисе урынбасары Олег Полумордвинов белән очрашты. Очрашуда шулай ук Татарстан экология һәм табигый байлыклар министры Артем Сидоров катнашты. Алар Түбән Идел бассейнының Татарстан территориясендә урнашкан сусаклагычларында су кимәлен көйләү буенча фикер алыштылар. Премьер-министр Илдар Халиков: су ресурсларын бәрәкәтле куллануда барлык кызыксынучы субъектларның мәнфәгатьләрен исәпкә алырга кирәк, ә бу мәсьәләдә Түбән Идел бассейны идарәсе зур роль уйный, дип белдерде.

  Бүген Татарстан Министрлар Кабинетында санитар-экологик икеайлыкка багышланган брифинг булып узды. Анда ТР экология һәм табигый байлыклар министры Артем Сидоров чыгыш ясады һәм 1 апрельдән алып май азагынача Татарстанда санитар-экологик икеайлык үткәрелә, аның максаты территорияләрне чистарту һәм тиешле тәртипкә китерүдән тора, дип белдерде.

“Җир сәгате” еллык халыкара акциясе быел 29 мартта җирле вакыт белән 20.30 – 21.30 арасында уздырыла.
Чараны Бөтендөнья кыргый табигать фонды (WWF) ел саен мартның соңгы шимбәсендә уздыра һәм аерым кешеләрне, оешмаларны, мәктәпләрне, муниципаль берәмлекләрне, коммерция оешмаларын – барысын да электр утын һәм үтә хаҗәт булмаган башка электр приборларын (лифтлардан башка) бер сәгатькә сүндереп торырга чакыра. Бу климат үзгәрешләре, кешелекнең энергетик ярлылануы проблемалары белән кызыксынуны көчәйтү өчен эшләнә.

Бүген Татарстан Экология һәм табигый байлыклар министрлыгында, видеоконференция режимында, Министрлык каршындагы Коррупциягә каршылык комиссиясе утырышы булып узды. Утырышта Комиссия әгъзалары, үзәк аппаратның структур тармаклары һәм Министрлыкның территориаль идарәләре җитәкчеләре катнашты.
Көн тәртибенә шундый мәсьәләләр куелган иде:
1. “ТР Министрлар Кабинетының “2014-2020 елларда Татарстан Республикасында җәмәгать тәртибен һәм җинаятьчелеккә каршылыкны тәэмин итү” (“2014 елда антикоррупцион политиканы тормышка ашыру” 5нче кече программасы) дәүләт программасын раслау турындагы” 16.10.13 № 764 карарын кабул итүе уңаеннан тармакның антикоррупцион программасына үзгәрешләр кертү турында”;

Сезне һөнәри бәйрәмегез белән чын күңелдән ихлас котлыйм!
Гидрометеорология эшенең нәтиҗәләренә һәм сыйфатына хаклы рәвештә иң югары таләпләр куела. Миллионнарча кешенең сәламәтлеге һәм кәефе сез көн саен бирә торган йөзләрчә мең фаразның төгәл һәм җәһәт булуына бәйле. Сез халыкның экологик куркынычсызлыгында иң төп рольләрнең берсен уйныйсыз.

Бүген Татарстан Экология һәм табигый байлыклар министры Артем Сидоров Казан Федераль университетының IT-лицее укучылары белән очрашты. Очрашу кысаларында панель әңгәмәсе һәм лицей укучыларының Техник иҗат фестивале үткәрелде. Лицей укучылары экологик юнәлешле проектларын тәкъдим иттеләр, аерым алганда – һава чистарту, калдыклар эшкәртү, электр энергиясен бәрәкәтләү технологияләрен, куркынычлы һәм керергә кыен урыннарда су, һава, туфрак пробасы алучы робот проектын. Иң яхшы эшләргә сертификатлар бирелде. Экология министры Артем Сидоров укучыларның актив позициясен билгеләп үтте, IT-лицей коллективына яшь буынга экологик белем биргәне өчен Рәхмәт хаты тапшырды. “IT-технологияләрдә без синергетик эффект күрәбез. Экология көнүзәк тема булып тора, теләсә кайсы тармак ничек тә булса экологиягә, энергия һәм ресурсларны саклауга, табигать саклау технологияләренә кагыла. Бүген без игътибарга лаеклы, дәвамлы һәм уңышлы, югары дәрәҗәле, күпсанлы эшләрне күрдек”, – дигән нәтиҗә ясады.

Бүген Татарстан Экология һәм табигый байлыклар министрлыгында “Сыерчыклар кайтты” еллык экологик агарту акциясе башлануга багышланган пресс-конференция булып узды.
“Сыерчыклар кайтты” – төп вакыйгасы сыерчыклар оялары һәм кош җимлекләре ясау буенча балалар конкурсы булган еллык табигать саклау акциясе ул. Аны Татарстан Экология һәм табигый байлыклар министрлыгы, Татарстан Урман хуҗалыгы министрлыгы, Казан шәһәр башкарма комитеты катнашында “Максидом” йорт ремонтлау һәм төзү товарлары гипермаркеты оештыра.