Казанда «ЧИСТА СУ. КАЗАН» V махсус күргәзмәсе һәм конгрессы ачылды

Бүген “Казан ярминкәсе” күргәзмә үзәгендә “ЧИСТА СУ. КАЗАН” V махсус күргәзмәсен һәм конгрессын ачу тантанасы булып узды.
Кунакларны һәм катнашучыларны Татарстан Хөкүмәте исеменнән республиканың экология һәм табигый байлыклар министры Артем Сидоров тәбрикләде. “Бу 2010 елдан соң бишенче конгресс-күргәзмә чарасы булып тора, – диде ул, – һәм мин монда бүген профильле дәүләт органнары җитәкчеләре, фән һәм җәмәгатьчелек вәкилләре, Россия һәм чит ил компанияләре белгечләре, ихтимал булган инвесторлар җыелганга шатмын. Бу әлеге чараның су өлкәсендәге киләчәк политикасын һәм практик эшләрне берләштерә торган мәйдан булып китүен бар нәрсәгә караганда яхшырак дәлилли.”
Түбән Идел бассейны сулыклары идарәсе җитәкчесе Анатолий Быков исә үз чыгышында: “Былтыр Татарстанда яр ныгыту корылмалары төзүгә, кече елгаларны чистартуга 1 миллиард 300 миллион сум тотылды. Үзгәртеп кору чорына кадәрге 70 елда без кулландык кына, хәзер исә бер ел җимергәнне 10 ел яңадан торгызырга туры килә, ә бу зур һәм мәшәкатьле эш. Шунысы куанычлы – мондый мәсьәләләрне чишүдә Татарстан Республикасы иң алда бара, барлык инновацияләрдә пионер булып тора,” – дип белдерде.
Төп өлешләре янәшә узучы күргәзмә һәм конгресс булган бу комплекслы чара 26 марттан 28 мартта кадәр уздырыла. Анда алдынгы технологияләрне күрсәтү тармак алдында торган проблемаларны тикшерү белән бергә үрелеп барачак. Катнашучы компанияләр су ресурсларын яңадан торгызу һәм саклау, коммуналь һәм индустриаль су тәэминаты, юынты суларны чистарту, су шешәләү кебек юнәлешләр буенча барлык төр корылмаларны һәм хезмәт күрсәтүләрне тәкъдим итәләр.
Министрлыкның матбугат хезм