Татарстан Экология һәм табигый байлыклар министрлыгы каршындагы Коррупциягә каршылык комиссиясе утырышы

Бүген Татарстан Экология һәм табигый байлыклар министрлыгында, видеоконференция режимында, Министрлык каршындагы Коррупциягә каршылык комиссиясе утырышы булып узды. Утырышта Комиссия әгъзалары, үзәк аппаратның структур тармаклары һәм Министрлыкның территориаль идарәләре җитәкчеләре катнашты.
Көн тәртибенә шундый мәсьәләләр куелган иде:
1. “ТР Министрлар Кабинетының “2014-2020 елларда Татарстан Республикасында җәмәгать тәртибен һәм җинаятьчелеккә каршылыкны тәэмин итү” (“2014 елда антикоррупцион политиканы тормышка ашыру” 5нче кече программасы) дәүләт программасын раслау турындагы” 16.10.13 № 764 карарын кабул итүе уңаеннан тармакның антикоррупцион программасына үзгәрешләр кертү турында”;
2. “Федераль һәм республика бюджетларыннан 2013 елда табигать саклау эшчәнлегенә бүлеп бирелгән акча чараларын сарыф итү турында”;
3. “Үзәк территориаль идарәдә антикоррупцион политика чараларын тормышка ашыру турында”;
4. Министрлыкның вазифалы затлары эшчәнлегендәге коррупцион күренешләр турында массакүләм мәгълүмәт чараларында, шул исәптән Интернетта һәм “Ышаныч телефонында” урнаштырылган, шулай ук гражданнарның һәм юридик затларның мөрәҗәгатьләре белән кергән белешмәләргә мониторинг нәтиҗәләрен карау.
Комиссия утырышының беркетмәсе сайтның “Коррупциягә каршылык” бүлегендә.
Министрлыкның матбугат хезмәте