ЯҢАЛЫКЛАР
Республикада 1 нче апрельдә ЭкоЯз-2020 конкурсы башланып китте. Быел язгы җыештыру эшләре – гражданнар күпләп җыелмыйча гына, ә республика акциясе читтән торып үткәрелә.
Татарстан Республикасы Экология һәм табигать ресурслары министрлыгының Үзәк территориаль идарәсенә гражданнардан Яңа Салмачы бистәсенең Кленовая урамы буенча туфракка төзелеш калдыкларының ташлануы турында мөрәҗәгать килде.
Ел саен, 15 нче апрельдә дөньяның күп кенә илләрендә Экологик белемнәр көне билгеләп үтелә. Бәйрәмнең төп максаты – халыкның экологик культурасын формалаштыру, җәмәгатьчелеккә экологик куркынычсызлык һәм әйләнә-тирәлекнең торышы турында хәбәр итү, шулай ук экологик фикер йөртә белгән гражданны тәрбияләү һәм әзерләү.
Санитар-экологик икеайлык кысаларында федераль һәм төбәк әһәмиятендәге юлларга бүлеп бирелгән полосаларда тәртип урнаштыру эшләре бара. Бүгенге көндә даими рәвештә чистарту нәтиҗәсендә 3640 куб.метр тәртип китерелгән, бу 212 тоннадан артык каты көнкүреш калдыклары дигән сүз.
Татарстан югары уку йортлары укучылары экология буенча фәнни-гамәли эшләр конкурсында җиңгән өчен 5 меңнән 20 мең сумга кадәр акча алачак. Конкурсны оештыручылар – Татарстан Экология һәм табигать ресурслары министрлыгы һәм Татарстан Республикасы Фәннәр академиясенең Экология һәм җир асты байлыкларыннан файдалану проблемалары институты.
Татарстанның Экология һәм табигать ресурслары министрлыгы, «Татармультфильм» белән берлектә, «Online чирек» проекты кысаларында икенче, бер атналык «Эко-талант» конкурсының башлануы турында игълан итә.
Татарстан Республикасы Экология һәм табигать ресурслары министрлыгының Үзәк территориаль идарәсенә кайнар линия буенча Казан шәһәренең Идел буе районы, Депутат урамы буенча чүп-чар ташлау урыны турында гражданнардан мөрәҗәгать килеп иреште.
Бүген Идел-Кама дәүләт табигый биосфера тыюлыгы оешуга 60 ел тула. Нәкъ шул көннән Татарстанда тыюлык эше формалаша башлый.
Ел башыннан бирле ТР Экология һәм табигать ресурслары министрлыгының Республика иҗтимагый кабул итү системасына 1540 мөрәҗәгать килде.
Шуларның 636сы – «Мәктәп экопатруле» мобиль кушымтасы аша.
Бүген ТР Хөкүмәте Йортында узган киңәшмәдә Татарстан Республикасы экология һәм табигать ресурслары министры Александр Шадриков Татарстан Республикасы торак пунктлары территорияләрен чистарту буенча санитар-экологик икеайлык үткәрү турында сөйләде. Барлык муниципаль районнар белән видеоконференцэлемтә режимында узган киңәшмәне Татарстан Республикасы Президенты Рөстәм Миңнеханов алып барды, дип хәбәр итә ТР Президенты матбугат хезмәте.