«Эрмитаж-Казан» үзәгендә – Владимир Селезневның «Метрополис» күргәзмә-инсталляциясе

       “Эрмитаж-Казан” үзәгендә Екатеринбург рәссамы Владимир Селезневның “Метрополис” дип аталган күргәзмә-инсталляциясе уздырыла. Инсталляцияне көнкүреш чүп-чарыннан – пластик һәм пыяла шешәләрдән, катыргы тартмалардан һәм полиэтилен капчыклардан корылган композиция тәшкил итә. Көн яктысында ул чүп-чар өеме төсле, ә ут кабызылгач, прожекторлар инсталляциянең фосфоресцент состав сөртелгән өслеген яктырткач, – төнге шәһәр манзарасы барлыкка килә. Ике яктырту режимы чынбарлыкның һәм уйдырманың контрастын тасвирлый.
        Бу әсәрдә теләсә кайсы эре мегаполис өчен мөһим булган экология темасы кузгатыла. “Күргәзмәгә килүчеләр караңгыда төнге шәһәрнең матурлыгына сокланалар, көн яктысында исә бары чүп-чар – халыкның тереклек итү калдыкларын күрергә мөмкин. Кагыйдә буларак, Россиядә чүп-чар күптөрле – пластик шешәләр, тартмалар, төрле пластик каплар... Бу проектка керешкәч, миндә экологик аң җитлегә башлады, – дип аңлата күргәзмәнең авторы Владимир Селезнев, – супермаркетларда мин күпсанлы төрү пакетларыннан баш тартам. Бәтәрәй һәм лампочкаларны тиешенчә утильләштерәм. Күптәннән инде пластик савытта су сатып алмыйм. Күп кенә танышларым да шул турыда уйланалар. Безнең мондый эшләрне бүтәннәр дә аңлый башлар сыман тоела. Әгәр бу күргәзмә һәр кешенең күпме чүп-чар ясавы, ә безнең моны булдырмый кала алуыбыз турында кемгә дә булса ачык мисал күрсәтсә, бик шат булыр идем.”
          Күргәзмә 15 декабрьгә кадәр барачак, дип белдерә “Эрмитаж-Казан” үзәгенең матбугат хезмәте.
        Министрлыкның матбугат хезмәте