ЯҢАЛЫКЛАР

27
ноябрь, 2013 ел
чәршәмбе
Рөхсәтсез калдыклар ташлау мәсьәләләре буенча Бөтенроссия селектор киңәшмәсе булып узды

Бүген Татарстан Экология һәм табигый байлыклар министры Артем Сидоров һәм Табигатьтән файдалану өлкәсендә күзәтчелек Федераль службасы идарәсенең Татарстан буенча җитәкчесе Фәрит Хәйретдинов Россия Табигый байлыклар һәм экология министры Сергей Донской рәислегендә узган Бөтенроссия селектор киңәшмәсендә катнаштылар.

26
ноябрь, 2013 ел
сишәмбе
Кукмара районында ачык экология конференциясе уздырылды
Кукмара районы Манзарас авылы урта мәктәбендә Татарстанның экологик культура һәм әйләнә-тирәлекне саклау елына багышланган ачык республика экология конференциясе уздырылды. Чараны Кукмара районының “Мәктәптән тыш эшләр үзәге” оештырган иде, анда Татарстан Экология һәм табигый байлыклар министрлыгының Төньяк территориаль идарәсе белгечләре дә катнашты.
«Җир асты байлыклары-2014. Өйрәнү. Эзләү. Чыгару» XI Халыкара күргәзмәсе
       2014 елның 1 – 3 апрелендә Мәскәүдә “Җир асты байлыклары-2014. Өйрәнү. Эзләү. Чыгару” XI Халыкара күргәзмәсе уздырыла. Чара Геолог көненә багышлана һәм Бөтенроссия күргәзмә үзәгендә узачак (Тынычлык проспекты, 55нче павильон).
       Бу күргәзмә 2044 елдан бирле, Россия Федерация Советы; Россия Дәүләт Думасының Табигый байлыклар, табигатьтән файдалану һәм экология комитеты; Россия Табигый байлыклар һәм экология министрлыгы; Россия Сәүдә-индустрия палатасы; Россия Геология җәмгыяте; Россия нефть-газ промышленниклары берлеге ярдәме белән үткәрелә.
«Татарстан – минем җирем» иҗади конкурсы йомгаклары
        2013 елның 26 ноябрендә Татарстан Экология һәм табигый байлыклар министрлыгында “Татарстан – минем җирем” республика иҗади конкурсында җиңүчеләрне бүләкләү тантанасы уздырыла.
      Конкурс Татарстанның Экологик культура һәм әйләнә-тирәлекне саклау елы кысаларында, Татарстан Җәмәгать палатасы һәм “Экологик политика һәм культура” Бөтенроссия җәмәгать оешмасының региональ бүлекчәсе башлангычы белән уздырыла, аны оештыруда “Химград” технополисы да катнаша. Проект Татарстан Экология һәм табигый байлыклар министрлыгы, Татарстан Фән һәм мәгариф министрлыгы, Татарстан Табигать тарихы музее, “Казан Кирмәне” дәүләти тарих-архитектура һәм сәнгать музей-тыюлыгы, Татарстан Рәссамнар берлеге ярдәме белән тормышка ашырыла.
Мамадышта асфальт-бетон заводының эше туктатылды
        Татарстан Экология һәм табигый байлыклар министрлыгының Кама буе территориаль идарәсенә Мамадыш районы “Союздорстрой” ААҖнең “СДС-7” филиалының ДС-168 асфальт-бетон заводы атмосферага зарарлы матдәләр чыгара, дигән гариза кергән иде. 2013 елның 16 октябрендә идарә инспекторлары индустриаль ташландыкларга административ тикшерү уздырдылар. Нәтиҗәдә углерод оксиды, корым, азот диоксиды, тузан чыгаруларның чиктән ашуы ачыкланды, бу исә әйләнә-тирәлеккә тискәре йогынты ясый, кешеләр тормышына һәм саулыгына яный. Шул сәбәпле, Мамадыш район судының 2013 ел 19 ноябрь карары белән “Союздорстрой” ААҖнең “СДС-7” филиалының ДС-168 асфальт-бетон заводы эшчәнлеге 90 тәүлеккә туктатылды.
22
ноябрь, 2013 ел
җомга
«Экологик культура. Тынычлык һәм татулык» Халыкара проекты
Владимир Вернадский исемендәге дәүләттән тыш экология фонды, “Гринлайт” халыкара иҗтимагый экология оешмасы һәм “Гринлайф” регион-ара иҗтимагый экология оешмасы 2014 елгы “Экологик культура. Тынычлык һәм татулык” Халыкара проектында катнашу өчен гаризалар кабул итә башлау турында белдерәләр.
«Җир асты байлыкларыннан файдалануны дәүләти көйләү 2013»
2013 елның 4 – 6 декабрендә Мәскәүдә “Җир асты байлыкларыннан файдалануны дәүләти көйләү” дигән VII Бөтенроссия конгрессы уздырыла. Аның төп максаты – геологик эзләнүләр тармагының торышын яхшырту, табигый байлыкларны нәтиҗәлерәк чыгару һәм файдалану өчен Россиянең җир асты байлыкларыннан файдалану турындагы законнарын камилләштерү
Кама аръягы территориаль идарәсендә студентлар өчен шөгыль үткәрелде
Татарстан Экология һәм табигый байлыклар министрлыгының Кама аръягы территориаль идарәсенең махсуслашкан аналитик контроль инспекциясе хезмәткәрләре экологик колледж студентлары өчен практик шөгыль үткәрделәр. Алар студентларга атмосфера һавасына индустриаль ташлаулар анализы бүлегенең һәм су, һава, туфрак анализы секторының эшчәнлеге турында сөйләделәр, аналитик лаборатория белән таныштырдылар, суны, туфракны, һаваны тикшерү өчен заманча стандартларга ярашлы эш җиһазларын һәм приборларын күрсәттеләр.
21
ноябрь, 2013 ел
пәнҗешәмбе
Әйләнә-тирәлекнең сыйфатын яхшырту өчен инновацион космик технологияләр кулланырга ниятлиләр

Россия Табигый байлыклар һәм экология министрлыгы Җирне космостан дистанцион зондлау системасын куллана башлады. Беренче космик сүрәтләү өчен Ерак Көнчыгыш территориясе сайлап алынды. Экология министры Сергей Донскойның әйтүенчә, дистанцион зондлау методикасы традицион планлы тикшерүләрдән күп яклары белән өстенрәк, чөнки өзлексез һәм объектив.

20
ноябрь, 2013 ел
чәршәмбе
Әлмәттә социаль-экономик мәсьәләләр буенча түгәрәк өстәл уздырылды
         Әлмәт муниципаль районы башкарма комитетында Татарстан Президентының Дәүләт Советына 2014 елга карата Юлламасында билгеләнгән социаль-экономик бурычларны тормышка ашыру мәсьәләләре буенча түгәрәк өстәл утырышы булып узды.
       Экологик культура һәм әйләнә-тирәлекне саклау елының төп бурычларын Әлмәттә тормышка ашыру турында доклад белән Татарстан Экология һәм табигый байлыклар министрлыгының Көньяк-көнчыгыш территориаль идарәсе башлыгы Альберт Маликов чыгыш ясады. – 2013 елның 10 аенда Көньяк-көнчыгыш территориаль идарә инспекторлары 599 тикшерү башкарган, 242 предприятие тикшерелгән. Докладта Россиядә беренче буларак, үзенең экологик политикасына ярашлы рәвештә, иярчен нефть газын утильләштерү кимәлен 95%ка җиткергән “Татнефть” компаниясенең эше дә билгеләп үтелде.
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International