ЯҢАЛЫКЛАР
Бүген Татарстан Экология һәм табигый байлыклар министры Артем Сидоров республиканың Әлмәт муниципаль районында экологик хәлне яхшырту буенча Яңа Никольски авылында уздырылган семинар-киңәшмәдә катнашты. Анда шулай ук Татарстан Министрлар Кабинетының экология һәм табигатьтән файдалану бүлеге башлыгы Марат Фәсхетдинов катнашты.
Эколог көненә багышланган чаралар кысаларында, Татарстан Экология һәм табигый байлыклар министрлыгының профсоюз комитеты Казан ш. Идел буе районындагы 47нче балалар бакчасында тәрбияләнүчеләр арасында “Планета – мин ул” дигән рәсемнәр конкурсы оештырды. Бу конкурс “Әйләнә-тирәлекне саклау” тематик конкурсы лауреаты булып тора.
Татарстан Республикасы Министрлар Кабинетында, видеоконференция режимында, “Санитар-экологик икеайлыкка йомгак ясау” дигән брифинг булып узды, анда Татарстан Экология һәм табигый байлыклар министрының беренче урынбасары, Татарстанның табигатьне саклау буенча баш дәүләт инспекторы Рөстәм Камалов катнашты.
Бөтендөнья Әйләнә-тирәлек көне һәм Эколог көне кысаларында Татарстан Экология һәм табигый байлыклар министрлыгы, Татарстан Су асты спорты федерациясе һәм Рус Географик Җәмгыятенең Татарстан бүлекчәсе Зөбәрҗәт күленең (Юдино бистәсендәге карьер) һәм “Комсомол” күленең төбен һәм яр буйларын чүп-чардан чистарту буенча традицион күмәк акция үткәрделәр.
Автотранспорт чараларының төтен газларындагы пычраткыч матдәләрнең норматив күләменә дәүләт контролен көчәйтү һәм автотранспортның атмосферага тискәре йогынтысын булдырмау максатында, Татарстан Экология һәм табигый байлыклар министрлыгы 1 июньнән 30 сентябрьгә кадәр республикада “Саф һава” операциясе үткәрә.
Мөхтәрәм хезмәттәшләр!
Сезне Бөтендөнья Әйләнә-тирәлек көне һәм Эколог көне белән чын күңелдән котлыйм!
Җир йөзендә цивилизациянең киләчәге, җәмгыятьнең тотрыклы үсеше, һәр кешенең тормышы безнең әйләнә-тирәлекне – барча тереклекнең яшәү тирәлеген саклау хакына булган тырышлыкларыбызга бәйле, һәм моны аңлаучылар елдан-ел күбәя бара.
2 июнь көнне, Татарстан Республикасының башкарма хакимият һәм дәүләт органнарының II Спартакиадасы кысаларында, “Хезмәт резервлары” стадионында җиңел атлетика ярышлары булып узды.
2012 елның 11 маеннан 29 маена кадәр, Әлмәт шәһәренең гомуми урта мәктәпләрендә укучыларга экологик тәрбия һәм белем бирү максаты белән, Татарстан Экология һәм табигый байлыклар министрлыгының Көньяк-Көнчыгыш территориаль идарәсе хезмәткәрләре тарафыннан, “Әлмәт-Водоканал” ААҖ белгечләре белән берлектә, “Суның Әлмәткә сәяхәте” дигән мәгълүмат шөгыльләре үткәрелде.
Бүген, Татарстанның шәһәр һәм район территорияләрен чистарту буенча санитар-экологик икеайлык кысаларында, Татарстан Экология һәм табигый байлыклар министрлыгының Үзәк территориаль идарәсе инспекторлары тарафыннан, массакүләм мәгълүмат чаралары белән берлектә, Казан шәһәренең Совет районына рейд үткәрелде.
29 май көнне Казан ш. Чирәм Хокее үзәгенең йөгереш юлында Татарстан Экология һәм табигый байлыклар министрлыгы хезмәткәрләре арасында 100 метрга узышуның сайлап алу этабы булып узды.