ЯҢАЛЫКЛАР
Татарстан экология һәм табигый байлыклар министры Артем Сидоров Түбән Кама район Советы сессиясендә катнашты, анда исә “Түбән Кама муниципаль районның 2008–2012 елларда әйләнә-тирәлекне савыктыру программасы”н үтәүнең барышы һәм “2012–2015 елларда Түбән Камада һәм Түбән Кама муниципаль районында әйләнә-тирәлекне саклау” дигән озайлы максатчан республика программасын тормышка ашыру мәсьәләләре каралды.
Балыкчы көне Россиядә 1980 елдан бирле рәсми билгеләп үтелә. Ул төрле яшьтәге һәм төрле шөгыльдәге балык тотучыларның да, кулына беркайчан кармак тотмаганнарның да иң яраткан бәйрәмнәреннән берсе булып тора.
Бүген Татарстан Экология һәм табигый байлыклар министрлыгының Иҗтимагый Советы утырышы булып узды, анда министрның беренче урынбасары Рөстәм Камалов катнашты, утырышта Иҗтимагый Советның җитәкчесе Анатолий Щеповских рәислек итте.
Брест шәһәрендә Союз дәүләт төзү мәсьәләләре буенча Парламент Җыелышы каршындагы даими семинарның “Беларусь Республикасындагы һәм Россия Федерациясендәге аеруча саклаулы территорияләрнең практикасы, проблемалары һәм перспективалары” дип аталган 29нчы утырышы булып узды. Татарстаннан анда Экология һәм табигый байлыклар министры Артем Сидоров һәм Урман хуҗалыгы министрының беренче урынбасары Харис Мусин катнашты.
Бүген Татарстан Экология һәм табигый байлыклар министрлыгы инспекторлары, РФ Эчке Эшләр министрлыгының Казан ш. буенча Юл куркынычсызлыгы дәүләт инспекциясе, массакүләм мәгълүмат чаралары вәкилләре белән берлектә, 1 июньдә башланган “Саф һава” операциясе кысаларында рейд үткәрделәр.
Бүген Татарстан Экология һәм табигый байлыклар министры Артем Сидоров Вермут Эссет Менеджмент компаниясе һәм Саф технологияләр Европа-Татарстан фондының (ETCF) Йохен Вермут әфәнде җитәкчелегендәге вәкилләре белән очрашты. Очрашу “яшел технологияләр” кертү өлкәсендә хезмәттәшлекнең иң өметле юнәлешләрен өйрәнүгә, экологик куркынычсыз предприятиеләр төзүгә, экологик куркынычсызлыкны тулаем тәэмин итүгә багышланган иде.
Бүген, яшь буынга экологик белем, тәрбия һәм профориентация бирү максатларында, Чаллы шәһәренең Гали Акыш исемендәге 84нче лицей-интернатының профильле химия-биология классы укучылары өчен Экология һәм табигый байлыклар министрлыгының Кама Буе территориаль идарәсенең Махсуслаштырылган аналитик контроль инспекциясенә күзәтү экскурсиясе оештырылды.
Бу айдан башлап Татарстан Республикасының Дәүләт һәм муниципаль хезмәтләре порталында (https://uslugi.tatar.ru/minecology/) Татарстан Экология һәм табигый байлыклар министрлыгы салган штрафлар кабул ителә.
10 – 12 июнь көннәрендә Татарстан министрлыклары һәм ведомстволары командалары арасында “Яр буе кубогы”на көймәдән спиннинг белән балык тоту фестивале (Fish Сабантуй) үткәрелде.
Татарстан Экология һәм табигый байлыклар министрлыгы, махсус максатлы МВД Авиация отрядының Татарстан бүлеге белән берлектә, Казан шәһәре һәм шәһәр яны территорияләрендә табигатьне саклау законнарын бозуларны ачыклау буенча эшне дәвам иттерә.