ЯҢАЛЫКЛАР
Татарстан Республикасы Экология һәм табигый байлыклар министрлыгы хезмәткәрләре һәм “ЧИСТАБУЛЫР” экологик хәрәкәте активистлары Казан шәһәренең Яшь өйләнүчеләр паркында (Портовая һәм Девятаев урамнары кисешендә) өмә оештырдылар. Территорияне җыештыру һәм төзекләндерү буенча чаралар үткәрделәр, аны чүптән, чыбык-чабыктан һәм корыган агачлардан чистарттылар.
Объективта – кыргый табигать. Ике йөз эш: Россиянең иң ерак почмакларының табигый ландшафты, хайваннар һәм кошлар тормышыннан уникаль күренешләр, гади күз белән күреп булмый торган бу күренешләрне фотосөючеләр үзләренең объективына эләктергән. Бүген “Россиянең кыргый табигате – 2016” фотокүргәзмәсендә Татарстан Республикасы экология һәм табигый байлыклар министры Фәрит Габделганиев булды. “Сихерли, - дип кичерешләре белән уртаклашты Министр.
Казанда яшәүчеләр Экологик белемнәр көнендә Беренче Экологик диктант язуда катнашырга чакырыла, аның оештыручысы – “Яшь Гвардия” Бөтенроссия иҗтимагый оешмасы. Акция 15 апрельдә Архив эше буенча Татарстан Республикасы Дәүләт комитеты бинасында уза. Моннан тыш, экологик диктантны онлайн-версиядә язарга мөмкин. Гражданнарга уңайлы булсын өчен, “Яшь Гвардия”нең рәсми сайтында “Тестлар” бүлегендә (http://mger2020.ru/quiz) тест биремнәре урнаштырылачак, аларга социаль челтәрләр аша теркәлгәннән соң кереп булачак.
Бүген Казанның 55нче мәктәбе укучылары табигатьтә һәм юлда куркынычсыз тәртип мәсьәләләре турында фикер алышты. Балалар өчен занятиене Татарстан Республикасы Экология һәм табигый байлыклар министрлыгы белгечләре һәм “Юл хәрәкәте иминлеге” дәүләт бюджет учреждениесе вәкилләре үткәрде. Мероприятие кысаларында укучылар табигать күренешләре турында табышмакларга җавап таптылар, туган якның үсемлекләр һәм хайваннар дөньясы турында шигырьләр укыдылар, экологик билгеләр уйлап чыгардылар һәм аларның рәсемнәрен ясадылар, шулай ук #ЭКОяз2017 буенча үз планнары белән уртаклаштылар.
Бөтен республикадан Татарстан Республикасы Экология һәм табигый байлыклар министрлыгы хезмәткәрләре Түбән Каманың Балалар экология-биология үзәге эше белән таныштылар. Үзәктә 2 меңгә якын бала өстәмә белем ала. 4 юнәлеш буенча шөгыльләнәләр: экологик-биологик, табигый фәннәр, нәфис-эстетик һәм туристлык-туган якны өйрәнү. Хәтта үзләренең лабораторияләре бур, анда балалар тәҗрибәләр һәм катлаулы булмаган анализлар ясый ала.
Бүген Түбән Камада #ЭКОяз2017 акциясе узды. Татарстан Республикасы Экология һәм табигый байлыклар министрлыгының барлык территориаль идарәләре җитәкчеләре Н.В. Лемаев ис. скверны җыештыруда катнаштылар. Территорияләрне җыештыру буенча мероприятиеләр бүген шәһәрнең һәр районында оештырылган иде.
Бүген Татарстан экологлары Түбән Камада җыелды, анда республика Экология министрлыгының барлык территориаль идарәләре җитәкчеләре белән күчмә киңәшмә булды. Киңәшмәне Татарстан Республикасы экология һәм табигый байлыклар министры урынбасары – Татарстан Республикасының Әйләнә-тирә мохитне саклау өлкәсендә баш дәүләт инспекторы Фаяз Шакиров үткәрде.
Бүген Татарстан Республикасы Экология һәм табигый байлыклар министрлыгының Үзәк территориаль идарәсе белгечләре Казан шәһәренең санитар-экологик торышын тикшерде. Чүплекләрнең берсе Совет районында Аркылы Нокса урамында табылды. “Чүп өеме шәһәр кешеләренең әйләнә-тирә мохиткә культурасыз, ихтирамсыз мөнәсәбәте нәтиҗәсендә барлыкка килде”, - ди бу урында яшәүчеләр.
Татарстан Экология һәм табигый байлыклар министрлыгында бүген аерата җанлылык иде. Нәни табигать сакчылары, утильләштерүгә тапшыру өчен, файдаланылган батарейкалар алып килде. “Сентябрьдлән бирле бөтен группа белән җыйдык”, - ди Казанның 128нче балалар бакчасы тәрбиячеләре. Нәниләр бер батарейканың әйләнә-тирә мохиткә нинди зарар китерергә мөмкинлеге турында белү белән, бөтен төркемнәре белән бер карар кабул итәләр: җыеп барачаклар һәм махсуслаштырылган урыннарга тапшырачаклар.
Кеше эшчәнлегенең табигатькә йогынтысы, су объектларын пычрату, калдыкларны урнаштыруның санкциясез урыннары барлыкка килү – Яр Чаллыда экологик дәрестә болар төп тема булды. Укучылар өчен белем бирү чарасын Татарстан Республикасы Экология һәм табигый байлыклар министрлыгының Кама буе территориаль идарәсе белгечләре үткәрде.