Иртәгә Автошәһәрдә “Экоишегалды” бәйрәме узачак

2017 елның 30 сентябрендә Яр Чаллыда “Экоишегалды” («Экодвор») бәйрәме узачак. Чара кысаларында «46 комплекс» микрорайонында пластик һәм металл җыю өчен контейнерлар куелачак. Әлеге проект Чаллы кешеләренә чүп-чарны киләчәктә яңадан эшкәртү өчен тапшыру мөмкинлеге бирәчәк.

“Экоишегалды” – гомумроссия проекты, ул үз ишегалларында һәм шәһәрләрендә чүп-чарны аерым җыю культурасын һәм практикасын алга этәрүче кешеләрнең даими нигездә эшләүче бергәлекләрен формалаштыруга юнәлтелгән.
ТР ЭТБМ матбугат хезмәте