ЯҢАЛЫКЛАР

19 сентябрьдән 21 сентябрьгә кадәр "Казан ярминкәсе" күргәзмәләр үзәгендә "Чиста су. Казан" IX халыкара махсуслаштырылган күргәзмә һәм конгресс узачак. Конгресс-күргәзмә чарасы Татарстан Республикасы Төзелеш, архитектура һәм торак-коммуналь хуҗалык министрлыгы һәм Су ресурсларының федераль агентлыгы ярдәмендә Татарстан Республикасы Экология һәм табигый ресурслар министрлыгы тарафыннан уздырыла.

Яр Чаллы укучылары санкцияләнмәгән чүплек урынын һәм аның сәбәпчеләрен ачыклады.

Татарстан Республикасы Экология һәм табигый ресурслар министрлыгының Чулман аръягы территориаль идарәсенә калдыкларны туфракка ташлау турында хәбәр килде. Табигать саклау нормаларының бозылуын Түбән Камада яшәүче кеше телефон камерасына теркәгән. Фотодан күренгәнчә, изоляция материаллары калдыкларын төягән КамАЗ машинасы күпкатлы йорт яныннан китеп бара. Соңыннан – шәһәр читендә – калдыклар туфракка ташлана.

Быелның май аенда Әлмәт районының Түбән Мактама штп төзелеш калдыклары белән чүпләнгән территория ачыкланды. Калдыкларны законсыз урнаштыру урыны 160 квадрат метр тәшкил итте. Морфологик составы буенча Татарстан Республикасы Экология һәм табигый ресурслар министрлыгының Көньяк-Көнчыгыш территориаль идарәсе инспекторлары ремонт эшләре алып барылган шәһәр учреждениесен ачыклады, соңыннан – хокук бозучыларның эзенә төште.

Ел башыннан бирле ТР Экология һәм табигый ресурслар министрлыгының Республика иҗтимагый кабул итү системасына 6642 мөрәҗәгать килде. Аларның күпчелеге – 2833 – "Мәктәп эко-патруле" телефон кушымтасы буенча. "Халык контроле" системасы аша экологлар тарафыннан 1068 хәбәр, WhatsApp, Telegram, Eco.signal, "Кайнар линия телефоны" элемтә каналлары аша 927 хәбәрләмә каралды.

Бүген Татарстан Республикасы Экология һәм табигый ресурслар министрлыгында республика территориясендә калдыкларны утильләштерү эшчәнлеген үстерү турында фикер алыштылар. Министр Александр Шадриков Көнчыгыш зонасында каты коммуналь калдыклар белән эш итүче региональ оператор һәм Татарстанда каты коммуналь һәм сәнәгый калдыкларны эшкәртү өлкәсендә бизнес җәелдерүче эшкуарлык вәкилләре белән очрашты.

Нурлат шәһәренең 1 нче санлы "Родничок" гомумиүстерү төрендәге балалар бакчасында квест-уен булды. Балалар табигатьтә үз-үзеңне тоту кагыйдәләрен өйрәнде, үсемлекләрнең үсеш чылбырын төзеде, хайваннарны тереклек итү урыннары буенча урнаштырды.

2018 елның 7 сентябреннән 13енә кадәр Татарстан Республикасы территориясендә урыны-урыны белән урманнарда югары янгын куркынычы (4 класслы), аерым көнбатыш районнарында урманнарда гадәттән тыш янгын куркынычы (5 класслы) саклана.

Казан үзәгендәге йортка хезмәт күрсәтә торган идарәче компания калдыкларны утильләштерү йөкләмәләрен үтәмәгән өчен штрафка тартылды. Татарстан Республикасы Экология һәм табигый ресурслар министрлыгының Үзәк территориаль идарәсе инспекторлары экологик мониторинг барышында Калинин урасы буенча 32 нче йорт адресында территориянең чүпләнгән булуын билгеләде. Контейнерлар һәм коела торган әйберләр өчен чүп савытлары тулганлыктан, көнкүреш һәм төзелеш калдыклары контейнер мәйданыннан читтә өелгән иде. Чүпләнүнең гомуми мәйданы 24 квадрат метр тәшкил итә. Җитештерү һәм куллану калдыклары белән эш иткәндә экологик таләпләрне үтәмәгән өчен юридик зат РФ КоАП 8.2 ст.буенча җаваплылыкка тартылды. Аңа 100 мең сум күләмендә административ штраф салынды.

Бүген Тәтеш шәһәрендә гражданнарны кабул итү барышында калдыкларны утильләштерү һәм экологик бәхәсләрне хәл итү тәртибе турында сөйләштеләр. Кама Тамагы һәм Тәтеш районнарында яшәүчеләр белән Татарстанның экология һәм табигый ресурслар министры урынбасары Егор Тарнавский, Казан районара табигать саклау прокуратурасы прокуроры Альберт Хәбиров һәм Татар табигать саклау районара прокуратурасы прокуроры Илсур Гыйльметдинов очрашты. Табигать саклау ведомстволары җитәкчеләре килгән барча мөрәҗәгатьләр буенча да тиешле аңлатмаларны бирде.