Ә Сез кайсы уникаль хайваннарны беләсез? Түбән Кама балаларына - рекордчы хайваннар һәм аларның тереклек итү ареалы турында...
Җирдә урманнарның роле нәрсәдә һәм планетадагы кайсы хайван иң җитезе? ТР Экология министрлыгының Кама аръягы территориаль идарәсе белгечеләре 21 нче урта мәктәпнең 4 нче сыйныфында укучыларга әйләнә-тирә дөнья, аның күптөрлелеге һәм рекордлары турында сөйләде. "Урманнар коры җирләрнең өчтән бер өлешен биләп тора, бу 40 млн кв км тирәсе, һәм аларның нибары 7%ы гына кеше кулы белән утыртылган", - дип билгеләде экологлар. Баксаң, балалар урманның планетаның үпкәсе дип аталып йөртүен белә икән: "Углекислый газны йотып, яшел үсемлекләр кислород бүлеп чыгара, алга таба без аны сулыйбыз", - дип билгеләде балалар. Эко-дәрес барышында яшь түбән камалылар планетадагы яшел хәзинәнең хайваннар дөньясы турында белде: Төньяк һәм Көньяк Американың тропик урманнарында Җирдәге иң кечкенә кош - колибри яши, ә иң зур елан - анаконда. Яңа материалны яхшырак үзләштерү өчен укучыларга уникаль хайваннар һәм ландшафтлар сурәте белән картинкалар күрсәтелде, буяу өчен рәсемнәр таратылды.
ТР ЭТРМ матбугат хезмәте