ЯҢАЛЫКЛАР
Бөтенроссия өмәсе кысаларында 22 апрельдә Чаллының 65 комплексы артында плоггинг форматында экоузыш узды. Анда катнашучылар спорт белән чүп-чар җыюны берләштерделәр. 45 минут эчендә 100 дән артык активист 200 капчык чүп җыйды. Чаллылылар биш кешедән торган командаларга берләшеп чүп-чар җыйдылар.
Чаллының 1 нче балалар һәм яшьләр иҗат сараенда 5-9 нчы сыйныф укучылары өчен «Ломоносов укулары» Бөтенроссия фәнни-гамәли конференциясе узды. Жюри әгъзалары сыйфатында ТР Экология министрлыгының Кама буе территориаль идарәсе белгечләре чакырылды. Конференциядә Татарстан районнарыннан һәм шәһәрләреннән 60 тан артык укучы катнашты.
Лаеш районының Никольский мәктәбендә экология буенча агитбригадалар арасында «Әйдәгез, планетаны бергәләп саклыйк!» республика конкурсына йомгак ясадылар. Чара санитар-экологик икеайлык кысаларында узды. Конкурс 22 апрельдә билгеләп үтелә торган Халыкара җир көненә багышланды.
Су - барлык тере организмнарның яшәү нигезе һәм җирдәге төп байлыкларның берсе. Су ресурсларына сакчыл караш турында Чаллыдагы 1 нче мәктәп укучыларына сөйләделәр.
Ел саен 19 апрельдә дөньяда традицион булып киткән матур язгы бәйрәм – Умырзая көне билгеләп үтелә. Умырзаялар -кышкы салкыннан соң шытып чыккан беренче чәчәкләр, алар язның башлану символы. Бу көнгә ТР Экология һәм табигать ресурслары министрлыгының территориаль идарәләре экологлары балалар өчен төрле чаралар әзерләгән.
Март дәвамында «Чиста булачак» яшьләр экологик хәрәкәте активистлары үзләренең экобелемнәре белән бөтен Татарстан белән уртаклаштылар. Мәгърифәтчелек акциясендә республиканың 16 районыннан 6500дән артык тыңлаучы катнашты. Экологик дәресләр, уеннар, квестлар һәм мастер-класслар Әлмәт, Агерҗе, Түбән Кама, Казан, Алексеевск, Сарман, Чистай, Мамадыш, Яшел Үзән, Арча, Мөслим, Ютазы, Лениногорск, Питрәч, Нурлат һәм Буа районнарында узды.
ТР Экология министрлыгының Идел аръягы территориаль идарәсе инспекторлары һәм ТР Биоресурслар буенча дәүләт комитеты хезмәткәрләре М.М. Вахитов исемендәге гимназия юннатлары белән декабрист В.П.Ивашев исемендәге паркта сыерчык оялары элгәннәр.
«ТИСБИ» идарә университетында «Экология тотрыклы үсеш максатлары аша: экологик мәгърифәттән экологик белем бирүгә һәм экологик культурага» темасына квалификация күтәрү программасы узды. Программа кысаларында шулай ук экологик коммерцияле булмаган оешмалар, волонтерлык берләшмәләре вәкилләре һәм Ханты-Манси автономияле округы Югра активистлары өчен тренинг оештырылды.
1 апрельдә Татарстанда башланган санитар икеайлыкның беренче ике атнасында табигать саклау ведомстволары һәм күзәтчелек органнары тарафыннан 1371 хокук бозу очрагы ачыкланган. 730 хокук бозуның яртысыннан артыгы бетерелгән инде. 298 беркетмә төзелде, 130,5 мең сумлык административ штраф салынды. Һәр икенче хокук бозу (693) калдыкларны рөхсәтсез урнаштыру белән бәйле, 345 чүплек юкка чыгарылган.
Буа шәһәренең академик Р.З. Сәгъдиев исемендәге мәктәбендә 6-11 сыйныф укучылары өчен «Экология һәм мин» дигән XXI район экология конференциясе узды. Конференциядә министрлыкның Идел аръягы территориаль идарәсе экологлары да катнашты.