ЯҢАЛЫКЛАР
Чаллы шәһәренең 35нче мәктәбендә «Киләчәккә өлеш» дигән беренче Республика фәнни-гамәли конференциясе узды. Жюри составына ТР Экология министрлыгының Кама буе территориаль идарәсе инспекторлары һәм ТРда Рус география җәмгыятенең төбәк бүлеге вәкилләре керде. Финалга 36 эш үтте. Аларны дүрт секциягә бүлгәннәр: «Экология», «Биология», «Үз эшенең остасы» һәм «География».
А.Гуляев исемендәге скверда «Уяну» экологик фестивале узды. Ел саен бу акция иң актив укучыларны һәм экологиягә битараф булмаган район халкын берләштерә.
Токсиклык дәрәҗәсен һәм калдыкларның куркыныч классын ничек билгелиләр? Пробалар ничек алына һәм һава, су, туфрак анализы ясала? Ютазы районы укучылары Экология министрлыгының Экологик күзәтчелекне тәэмин итү үзәге бүлегендә булдылар.
«Чиста яр» шәһәр плоггинг-йөгереше Чаллыда Табеев яр буенда узды. Ярышларда 21 мәктәп командасы катнашты. Ә аларга «Стоя на воде» Ѕирмәктәбе вәкилләре ярдәм итте, алар көймәләрдә Кама елгасында чүп-чар җыйды. Командаларга берләшеп, активистлар чүп-чарны өч фракциягә бүлеп сортлыйлар: пыяла, пластик һәм башка калдыклар. 45 минут эчендә экойөгереш катнашучылары 80 капчыктан артык чүп җыя алдылар.
Чаллыда «Прибрежный» паркы территориясендә «Чиста уеннар» узды. Ярышлар Язгы Чисталык Кубогы кысаларында оештырылды.
Идел-Кама территориаль идарәсенең өлкән белгече Ильяс Галләмов Алексеевск районының Ялкын мәктәбендә табигатьне саклау турында әңгәмә үткәрде. Инспектор иске әйберләрне ничек файдалы итеп кулланырга мөмкинлеген сөйләде.
250 Чаллы укучысы «Экояз 2023» кысаларында уздырыла торган «Традицияләрдә экология» экорәсемнәр республика конкурсында катнашты. Район этабы йомгаклары буенча комиссия 100 гә якын рәсем сайлап алды. Беренче этапны узган барлык эшләр республика этабында катнашу өчен Казанга җибәрелде.
Икенчел чимал ничек эшкәртелә, чүп-чарны ничек дөрес аерырга һәм Экология министрлыгы тарафыннан нинди акцияләр һәм конкурслар бар - бу хакта Чаллы шәһәренең «Чаллы мозаикасы» балалар бакчасында нәниләргә сөйләделәр.
Менә инде бишенче тапкыр тулы состав белән Ык буе территориаль идарә инспекторлары сулык ярларын чүп-чардан чистартырга чыгалар. Бүген – Азнакай шәһәрендә Кара елга. Экологлар ярның 2 километрын чүп-чардан чистарттылар.
Су һәм туфрак үрнәкләрен сайлау һәм анализлау ничек бара? Аквадистиллятор нәрсә ул, ул нәрсә өчен кирәк һәм ничек эшли? Балаларга бу сорауга җавапларны табарга ТР Экология һәм табигать ресурсларпы министрлыгының Идел аръягы территориаль идарәсенең экологик күзәтчелекне тәэмин итү бүлеге экологлары ярдәм итте. Балалар бакчасында тәрбияләнүчеләр өчен бу очрашу лаборатория эшен бәяләү генә түгел, ә һөнәр белән якыннанрак танышу мөмкинлеге дә булды.