Идел аръягы территориаль идарәсе инспекторлары мәктәп укучыларына җәйге вакытта табигатьтә үз-үзләрен тоту кагыйдәләре турында искәрттеләр
Буа шәһәренең Р.З. Сәгъдиев исемендәге мәктәбендә Идел аръягы территориаль идарәсе белгечләре экологик дәрес үткәрделәр. Чара X Нева халыкара конгрессының төбәк экологик атналыгы кысаларында узды. Урман фаунасы турында сөйләделәр һәм мәктәп укучыларына җәйге вакытта табигатьтә үз-үзләрен тоту кагыйдәләрен искә төшерделәр. Экологлар өченче сыйныф укучылары белән табигатькә сакчыл караш кагыйдәләре белән уртаклаштылар.
Мәсәлән, суны юкка әрәм итмәскә, чүп-чарны яндырмаска, агачларны сындырмаска һәм үсемлекләрне өзмәскә, кирәк булмаганда утны сүндерергә.
Балалар өчен инспекторлар хайваннар турында табышмаклар һәм берничә файдалы фактлар әзерләгән.
«Мәктәп укучылары, бу дөньяны яхшырак итәр өчен, ата - аналарына һәм дусларына экологик кагыйдәләр турында сөйләргә вәгъдә иттеләр», - дип билгеләп үтте Идел аръягы территориаль идарәсе инспекторлары
Экодәреснең барлык катнашучылары истәлеккә буяу китаплары алдылар.