Табигатьне саклап калу өчен нәрсә эшләргә кирәк? Көньяк-Көнчыгыш территориаль идарәсе инспекторлары Бөгелмә шәһәрендәге балалар экология-биология үзәгендә дәрес үткәрделәр
Көньяк-Көнчыгыш территориаль идарәсе инспекторлары Бөгелмә шәһәрендәге балалар экология-биология үзәгендә булдылар. Белгечләр «Чиста шәһәр синнән башлана!» дигән темага дәрес үткәрделәр. һәм икенче сыйныф укучыларына табигатьне ничек һәм ни өчен сакларга кирәклеге турында аңлаттылар. Мәсәлән, чүп-чарны таратмаска, учак якмаска, агачларны һәм куакларны сындырмаска.
«Табигать-безнең байлыгыбыз. Бу кешене чолгап алган гаҗәеп һәм матур дөнья. Балаларда файдалы гадәтләр булдыру мөһим. Киләчәктә бу табигатьне сакларга ярдәм итәчәк», - дип сөйләде Көньяк-Көнчыгыш территориаль идарәсе инспекторы.
Шулай ук экологлар балалар белән чүп-чар белән бәйле экологик проблемалар турында сөйләштеләр. Белгечләр укучыларга калдыкларны - пластик, пыяла, кәгазь, металлны ничек дөрес итеп сортларга аерырга кирәклеген сөйләделәр. Бу барлык көнкүреш калдыкларыннан кабат кулланырга мөмкин булганны аерып чыгару өчен кирәк, дип аңлатты балаларга инспекторлар.
Экодәрес истәлегенә балаларга китаплар таратылды.