ЯҢАЛЫКЛАР

Бу көннәрдә Зеленодольск районының «Мечта» балаларны савыктыру лагеренда «ЭкоМечта» экологик сменасы уза. 100 бала 17 көннән артык вакыт дәвамында  6 тематик юнәлеш буенча белем бирү курсын узачак: экотуризм, ботаника, зоология, социаль экология, табигый ресурслар, авыл хуҗалыгы һәм эшкуарлык.

ТР Экология министрлыгының Көньяк-Көнчыгыш территориаль идарәсе инспекторы Венера Мингалиева Лашман авыл җирлеге китапханәчесе Гөлшат Әгъләмова белән бергә Чирмешән районы Әмиров авылы балалары өчен «Табигатьне сакла» дигән ачык экологик дәрес үткәргән. Дәрес ачык һавада, җирле паркта узган.

Бүген ТР Экология һәм табигать ресурслары министрлыгының экологик белем бирү бүлеге белгечләре һәм Кама яны территориаль идарәсе инспекторлары Мамадыш районының «Кама» балалар сәламәтләндерү лагеренда экодәрес үткәрделәр.

Баулы районында Россия Гадәттән тыш хәлләр министрлыгының Татарстан Республикасы буенча Баш идарәсе җитәкчелегендә «Транснефть-Приволга» АҖнең нефть һәм нефть продуктлары агызуны локальләштерү һәм бетерү буенча гамәлләргә әзерлеген раслау буенча комплекслы өйрәнүләр узды. Комиссия составына ТР Экология министрлыгының Ык буе территориаль идарәсе инспекторлары, Росприроднадзор, Ростехнадзор вәкилләре һәм Баулы районы башкарма комитеты җитәкчеләре керде.

Узган ялларда Казанның Кремль яры буенда беренче «Экофест»  яшьләр экологик фестивале узды. Фестивальгә, интерактивта катнашу өчен, экологиягә битараф булмаган 1,5 мең татарстанлы килде. Фестиваль мәйданчыкларында катнашучылар белем бирү мастер-классларында катнашып, үзләренең экологик белемнәрен тулыландыра алдылар, шулай ук интерактив уеннарда һәм конкурсларда катнашып, уңай энергия алдылар. Бу ял көннәрен экологиягә багышларга карар иткән һәркемгә кибетләрдә ничек итеп экологияле рәвештә сатып алып булуы һәм төзелеш өчен материаллар сайлап булуы турында аңлаттылар. Иҗади остаханәдә кунаклар үзләренең кастом киемнәрен ясый, шоппер тегә һәм үсемлек утырта алдылар.

Бу атнада «Россия суы» бөтенроссия акциясендә ТР Экология министрлыгының Идел аръягы территориаль идарәсе инспекторлары, Чүпрәле районы Башкарма комитеты хезмәткәрләре һәм җирле халык катнашты. Алар Мәктәп урамындагы Иске Чүпрәле авылындагы ясалма сулык территориясен чистарттылар һәм пластик һәм кәгазь белән 5 капчык чүп-чар җыйдылар.

Татарстан Экология һәм табигать ресурслары министрлыгының Кама буе территориаль идарәсе инспекторлары эшкуарлар белән профилактик визит үткәрделәр. Мондый чаралар барышында Экология министрлыгы хезмәткәрләре юридик затларны һәм эшкуарларны экологик законнарның мәҗбүри таләпләрен үтәмәгән очракта килеп чыга торган җаваплылык турында алдан ук кисәтәләр. Әйтик, шәхси эшмкуар Мирсәяпов күптән түгел салым органында теркәлгән. Ир-ат транспорт логистикасы белән шөгыльләнергә карар итә, моның өчен машинаны арендага ала. Әйләнә-тирә мохитне саклау турында федераль закон таләпләре буенча эшкуар калдыклар паспортын алып барырга тиеш.

ТР Экология һәм табигать ресурслары министрлыгының Төньяк территориаль идарәсе инспекторлары Арчаның 10 нчы балалар бакчасы балалары өчен экодәрес үткәрделәр. Белгечләр балаларга сирәк очрый торган кошлар һәм хайваннарның ни өчен юкка чыгуы, янгынга нәрсәнең сәбәпче була алуы һәм чүп-чарны сортлауның ни өчен мөһим булуы турында сөйләделәр.

Бүген «Байтик» балаларны савыктыру лагеренда экология министры урынбасары Егор Тарнавский «Табигать законнары буенча» экологик сменасында катнашучылар белән очрашты.  

Казан шәһәренең «Дуслык» балаларга белем бирү-савыктыру үзәге базасында «Биосфера» республика экологик лагере-мәктәбенең XXIX сменасы уза. Профильле сменада экология буенча олимпиада җиңүчеләре һәм призерлары әйләнә-тирә мохитне саклау буенча өстәмә белемнәр ала. Биредә Казан, Чаллы, Түбән Кама, Әлмәт, Нурлат һәм Зеленодольск, Биектау, Мамадыш, Азнакай, Зәй районнарыннан 6-10 сыйныф укучылары җыелган.