Крутушкада поселогында «Табигать законнары буенча» палаткалы лагере ачылды
Татарстан Республикасының «Чиста булачак» төбәк яшьләр иҗтимагый оешмасы ТР Экология һәм табигать ресурслары министрлыгы ярдәмендә мәктәп укучылары өчен палаткалы лагерь ачып җибәрде. Крутушка поселогында «Байтик» балалар лагере базасында «табигать законнары» темасына атналык программа планлаштырылган.
Сменада катнашучылар – экологик агарту, табигый-фәнни һәм туган якны өйрәнү эшчәнлеге белән кызыксынучы 10 яшьтән алып 16 яшькә кадәрге балалар. Фикердәшләр клубы республиканың 14 муниципаль берәмлегеннән 42 катнашучыны җыйды.
Бүген сменада катнашучылар белән Экология министрлыгының экологик агарту һәм иҗтимагый оешмалар белән хезмәттәшлек бүлеге башлыгы Артга Артемьева очрашты. Балаларны үткәрелә торган конкурслар һәм акцияләр белән таныштырдылар, Министрлыкның үсеп килүче буынга бирә торган мөмкинлекләре турында сөйләделәр. Үзләрен кызыксындырган темалар турында фикер алышып, кайда үз көчләрен сынап карый алачаклары турында сөйләштеләр. «Экология министрлыгы үсеп килүче буынны экологик агартуга аерым игътибар бирә. Күптән түгел «Экояз» конкурсы тәмамланды, анда республиканың гомуми белем бирү оешмалары актив катнашты», – дип билгеләп үтте спикер. Гамәлдәге конкурслар арасында эколог «Мәктәп экопатруле» проектын аерып күрсәтте, анда укучылар мөстәкыйль катнаша ала. Сентябрьдән «Эколидер» республика конкурсына гаризалар кабул итү башлана.
Смена программасында мәгариф һәм мәдәни-күңел ачу чаралары планлаштырылган. Бу – конкурслар, Идел-Кама дәүләт табигать биосфера тыюлыгына һәм «Зәңгәр күлләр» табигать тыюлыгына экскурсияләр, шулай ук балаларның спорт һәм иҗат күнекмәләрен үстерүгә юнәлдерелгән чаралар.