«Крылатый» балалар лагеренда экодәрес узды
Җәйге каникулларның иң кызган чагы. Чаллы мәктәп укучылары шәһәр читендәге балалар лагерьларында ял итәләр һәм көч җыюларын дәвам итәләр. «Крылатый» сәламәтләндерү лагереның күңел ачу һәм чараларның бай программасында экология темасына әңгәмә алып барырга да вакыт табылды.
Экология министрлыгының Кама яны территориаль идарәсе белгече белән бергә балалар киләчәктә дөньяның нинди булачагы, ансыз кеше исән кала алмаячагы турында уйландылар. Безнең гамәлләрнең дөньяны ничек үзгәртүе турындагы видеороликны карагач, балалар үзләренең тәҗрибәләре белән уртаклаштылар: күпләрнең чүп-чарны аерым җыю гадәте бар, урманга, кошларга, хайваннарга һәм бер-берсенә сакчыл мөнәсәбәт кирәклеген аңлыйлар. Бергәләп кешеләр планетаны иң гүзәл яки иң коточкыч урын итә ала дигән нәтиҗә ясалды.
Викторинаның әйләнә-тирәдәге багланышлар турындагы сораулары кыенлыклар тудырмады: балалар бер-берсен тулыландырып, актив җавап бирделәр.