Бүген – Халыкара еланнар көне!

2024 елның 16 июле, сишәмбе

16 июльдә ел саен Халыкара еланнар көне билгеләп үтелә. Ул кешеләрнең игътибарын бу гаҗәеп сөйрәлүчеләргә җәлеп итү һәм безгә еланнар турында күбрәк белергә булышу өчен оештырылган.

Еланнар турында бераз кызыклы фактлар:

- Дөньяда еланнарның якынча 3500 төре бар.
- Шуларның 600 төре – агулы, тик 200е генә Бөтендөнья сәламәтлек саклау оешмасы тарафыннан кеше өчен куркыныч дип танылган.
 - Еланнар Антарктидадан башка барлык континентларда да яшиләр.
 Күпчелек еланнарның зурлыгы бер метрдан артмый, ә иң зурлары – челтәрле питон һәм анаконда.

Еланнар белән мавыккан кешеләр бәйрәмне билгеләп үтәләр, үз белемнәре һәм бу хайваннарга булган мәхәббәтләре белән уртаклашалар. Шуңа күрә 16 июль – еланнар һәм аларның безнең дөньядагы роле турында күбрәк белү өчен бик яхшы көн!