ЯҢАЛЫКЛАР
Чара «Тормыш фәне» проектын гамәлгә ашыру кысаларында үткәрелде. Чараны Татарстан Республикасы Экология һәм табигать ресурслары министрлыгы ярдәмендә, Казан дәүләт энергетика университеты һәм «Татарстан Республикасының яшь галимнәр һәм белгечләр хәрәкәте» белән берлектә, «Чиста булачак» төбәк иҗтимагый оешмасы оештырды.
Кирәк булмаганда утны кабызмыйча, светодиод лампалардан файдалану, кибеткә үз пакетларың белән йөрү, җәмәгать транспортыннан файдалану – Арча районы, Лесхоз урта гомуми белем бирү мәктәбендә укучылар әнә шундый нәтиҗәгә килгән.
Теләченең 1нче балалар бакчасында педагоглар ата-аналар белән бергә экологик сукмак булдырган. Балалар бакчасы территориясендә алар «Метеостанция», «Гөмбә аланы», «Кырмыска оясы», «Умарталык», «Кош җимлеге», «Ылыслы урман», «Кошлар янында кунакта» һ.б. табигать объектларын урнаштырганнар.
Кызыклы башваткычларны чишеп, приз алу мөмкинлеге барлыкка килде. Татарстан Республикасы Экология һәм табигать ресурслары министрлыгы экологик агарту эшен дәвам итә, бу юлы, үсеп килүче яшь буынны әйләнә-тирә мохиткә сакчыл караш мәсьәләләренә җәлеп итү өчен мантыйкый уеннар сериясен әзерләде.
Югары Арбаш урта мәктәбендә төбәкара конференция уздырылган. Чара Бөек Ватан сугышында Җиңүгә 75 ел тулуга, ТАССР 100 ел һәм Кукмара районына 90 ел тулуга багышлап үткәрелгән.
Казан шәһәре Совет районының 181нче күп профильле мәктәбендә балаларны калдыкларны аерып җыю культурасына өйрәтүгә багышлап, агарту характерындагы ачык экология дәресе үткәрелгән.
Үсеп килүче буында экологик культура, кеше эшчәнлегенең нәтиҗәләре өчен җаваплылык һәм табигатькә карата сакчыл мөнәсәбәт тәрбияләү максатыннан, һәр ел саен республика муниципаль районнарының балалар һәвәскәр берләшмәләр арасында “Җир Сулышы” республика бәйгесе үткәрелә.
“Теремок” балалар бакчасында “Экологик йогынты чаралары белән мәктәпкәчә балалар учреждениеләренең инновацион эшчәнлеген үстерү: балалар һәм ата-аналар – педагоглар һәм социум” дигән темага республика семинары узган. Чарада мәктәпкәчә учреждениеләр җитәкчеләре һәм педагоглары, шулай ук Татарстан Республикасы Экология һәм табигать ресурслары министрлыгының Идел аръягы территориаль идарәсе вәкилләре катнашкан.
Арча районы Яңа Кырлай урта мәктәбендә “Кошкайларны кышын ашатыгыз” акциясе кысаларында әнә шул девиз астында башлангыч сыйныф укучылары белән викторина үткәрелгән. Балалар, командаларга бүленеп, канатлы дусларыбыз турында мәкальләр белү буенча ярышкан, шулай ук табышмаклар һәм ребуслар чишкән, канәгатьлек хисе белән сорауларга җаваплар биргән.
Иҗадилык аша – экология белемнәре нигезләренә өйрәтү. Татарстан Республикасы Экология һәм табигать ресурслары министрлыгының Кама буе территориаль идарәсе белгечләре Чаллы шәһәре 52нче балалар бакчасына йөрүче нәниләр белән экология дәресе уздырган.