ЯҢАЛЫКЛАР

Татарстан Республикасы Экология һәм табигать ресурслары министрлыгының Кама аръягы территориаль идарәсенә Смыловка авылы читендә җир асты байлыкларыннан лицензиясез файдалану турында хәбәр  алынган.

Министрлыкның Үзәк территориаль идарәсе инспекторлары Югары Ослан районының Шеланга торак пункты территориясендә биналарны сүтү калдыкларыннан чүплек өеменә тап булган. Санкцияләнмәгән чүплекнең мәйданы – 90 кв. метр, күләме – 15 куб. метр.

Министрлыкның Кама буе территориаль идарәсе адресына «Халык контроле» системасы аша Тукай районының   «Колосок» бакчачылык ширкәте территориясендә рөхсәтсез чүплек булуы турында гражданнардан мөрәҗәгать алынган.

Министрлыкның Үзәк территориаль идарәсе инспекторлары санитар-экологик икеайлык кысаларында Лаеш районының Сокуры авылы территориясендә җитештерү һәм куллану калдыкларыннан барлыкка килгән чүплеккә тарыган. Санкцияләнмәгән рәвештә урнаштырылган калдыклар урыны 3200 кв.метр тәшкил иткән, күләме – 147 куб м.

Санитар экология икеайлыгы кысаларында ТР Экология һәм табигать ресурслары министрлыгының Ык буе территориаль идарәсе инспекторлары тарафыннан Азнакай районына инспекция ясалган. Урсай авылы территориясен тикшерү барышында гомуми мәйданы 620 кв.м. булган каты көнкүреш калдыкларын санкцияләнмәгән урнаштыру очрагы ачыкланган, аның күләме 120 куб. метр тәшкил иткән.

Лениногорск районының Яңа Шөгер торак пунктыннан 2 км көньяктарак Көньяк-Көнчыгыш территориаль идарәсе инспекторлары төзелеш калдыкларын санкцияләнмәгән урнаштыру очрагына тап булганнар. Чүплекнең мәйданы 1000 кв.метр тәшкил иткән. Чүп арасыннан накладная документлары табылган. Экологларның әйтүенчә, калдыкларның Бөгелмә шәһәреннән китерелгән булуы ихтимал.

Санитар-экологик икеайлык кысаларында ТР Экология министрлыгының Идел-Кама территориаль идарәсе инспекторлары Чистай районына инспекция ясаган. Чистай шәһәре территориясен тикшерү барышында 100 кв.метр мәйданлы санкцияләнмәгән чүплек урыны ачыкланган, күләме – 10 куб. метр.

Министрлыкның Үзәк территориаль идарәсе инспекторлары Лаеш районының Столбищи авылы һәм Кече Кабан авылы арасында өч санкцияләнмәгән чүплеккә тап булган. Җир кишәрлекләрен тикшерү санитар-экологик икеайлык кысаларында үткәрелгән. Барлык чүплекләрнең гомуми мәйданы – 254 кв.метр, күләме – 42 куб. метр.

Элегрәк ТР Экология министрлыгының Кама буе территориаль идарәсе инспекторлары Яр Чаллы шәһәренең Раскольников һәм Нәриманов урамнары киселешендә санкцияләнмәгән рәвештә җитештерү калдыкларын урнаштыру урынына тап булган. Пыяладан ясалган әйберләр рәвешендәге чүп-чар 652 кв. метр мәйданлы территорияне чүпләгән.

Төзелеш һәм ремонт эшләреннән калган чүп чар белән Буа шәһәре территориясен чүпләгәннәр. Әлеге хокук бозу очрагын Татарстан Республикасы Экология һәм табигать ресурслары министрлыгының Идел аръягы территориаль идарәсе инспекторлары ачыклаган. Чүпләнгән кишәрлекнең мәйданы – 1250 кв. метр, күләме – 120 куб. метр.