ЯҢАЛЫКЛАР
Казанның Совет районы, Аркылы Нокса урамында Нокса елгасына күбекле агынты сулар агызу факты буенча килгән мәгълүмат буенча, ТР Экология министрлыгының Үзәк территориаль идарәсе инспекторлары урынга чыктылар.
Социаль челтәрләрдә Түбән Кабан күленә Һади Такташ урамы буенча төзелеш корылмаларыннан агынты суларының ташлануы турындагы хәбәр буенча ТР Экология министрлыгының Үзәк территориаль идарәсе инспекторлары әлеге урынга чыкты.
Түбән Кама сусаклагычы акваториясен мониторинглау барышында Татарстан Республикасы Экология министрлыгының Кама яны территориаль идарәсе инспекторлары тарафыннан елга комы чыгаручы плавкран ачыкланды.
Лениногорск районын тикшергәндә Татарстан Республикасы Экология министрлыгының Көньяк-Көнчыгыш территориаль идарәсе инспекторлары Иске Шөгер авыл җирлегендә калдыкларны санкцияләнмәгән рәвештә урнаштыру урынын ачыклаганнар. Чүпләнгән участокның мәйданы 10208 кв.м тәшкил иткән.
«Чиста һава» операциясе бетеп килә. Исегезгә төшерәбез, ул Татарстанда 1 июньдә старт алды һәм сентябрь ахырына кадәр дәвам итәчәк. Операция башланганнан бирле ТР Экология һәм табигать ресурслары министрлыгының территориаль идарәләре инспекторлары, ТР буенча Эчке эшләр министрлыгының ЮХИДИ идарәсе хезмәткәрләре белән бергә, 6727 автотранспорт чарасын тикшергән – бу 5997 җиңел, 359 йөк машинасы һәм 371 автобус. 151 машинадан чыккан газда пычраткыч матдәләр буенча нормадан артып китү очраклары ачыкланган, бу барлык тикшерелгән автомобильләрнең 2,3 процентын тәшкил итә.
ТР Экология министрлыгының Кама яны территориаль идарәсе инспекторлары Куйбышев һәм Түбән Кама сусаклагычлары акваторияләрендә күзәтчелек чараларын үткәрделәр. Прости һәм Бәтке авыллары арасындагы Куйбышев сусаклагычын тикшерү барышында белгечләр лицензияле участок чикләреннән тыш ком чыгаруны гамәлгә ашыручы плавкранны тапканнар. Барлыгы 245 тонна ком-гравий катнашмасы чыгарылган.
Чистай шәһәрен мониторинглау барышында ТР Экология министрлыгының Идел-Кама территориаль идарәсе инспекторлары Загородная урамында рөхсәтсез калдыклар җыю урынын ачыклаган. Биредә төзелеш һәм көнкүреш калдыклары, шулай ук автомобиль шиннары сакланган. Пычранган участокның мәйданы 2500 кв.м тәшкил итә, чүплекнең күләме – 250 куб.м.
Әлмәт районын тикшерү барышында ТР Экология министрлыгының Көньяк-Көнчыгыш территориаль идарәсе инспекторлары Әлмәт шәһәрендә «Мирас» спорт комплексы артында рөхсәтсез калдыклар җыю урынына тап булганнар. Чүпләнгән участокның мәйданы – 252 кв.м, чүплекнең күләме 252 куб.м тәшкил итә.
Мөслим районын тикшерү барышында ТР Экология министрлыгының Ык буе территориаль идарәсе инспекторлары Елгабаш авылы янында рөхсәтсез калдыклар җыю урынын ачыкладылар. Пычранган участокның мәйданы 340 кв.м тәшкил итә, чүплекнең күләме – 120 куб.м.
ТР Экология министрлыгының Үзәк территориаль идарәсенә «Халык контроле» системасы аша Казан шәһәренең Совет районында яшәүчеләрдән шикаять килде. ТР Экология министрлыгы инспекторлары Вознесение тракты янында рөхсәтсез калдыклар җыю урынына чыктылар. Территорияне тикшерү барышында хокук бозу факты расланды. Чүпләнгән участокның мәйданы – 187 кв.м, чүплекнең күләме 93 куб.м тәшкил итә.