Көньяк-Көнчыгыш территориаль идарәсе экологлары кисәтүе буенча 1800 кв.м мәйданлы чүплек юкка чыгарылган

2023 елның 12 октябре, пәнҗешәмбе

ТР Экология министрлыгының Чирмешән районындагы Көньяк-Көнчыгыш территориаль идарәсе инспекторлары рөхсәтсез калдыклар җыюны ачыклаган. Түбән Кармалы авыл җирлегендә хокук бозу очрагы ачыкланган. Пычрану мәйданы – 1800 кв.м,  күләме – 120 куб.м.

Чирмешән муниципаль районы башкарма комитеты адресына табигать саклау законнарын бозуның ярамавы һәм чүплекне бетерү турында кисәтү җибәрелгән. Хәзерге вакытта чүплек бетерелгән, территориясе тәртипкә китерелгән.