ЯҢАЛЫКЛАР
Кама аръягы территориаль идарәсенә Россия Гадәттән тыш хәлләр министрлыгының ТР буенча Баш идарәсеннән хәбәр килгән. Җирле халык Гадәттән тыш хәлләр министрлыгы идарәсенә Түбән Кама районының Кармалы авылындагы фермадан яман ис турында мөрәҗәгать юллаганнар. Һаваның торышын тикшерү өчен экологлар күчмә экологик лаборатория белән шул урынга кузгалганнар.
ТР Экология һәм табигать ресурслары министрлыгының Ык буе территориаль идарәсе инспекторлары Азнакай районын мониторинглау барышында Урсай авыл җирлегендә төзелеш һәм агач калдыкларының законсыз чүплеген ачыкладылар. Чүпләнгән территориянең мәйданы 400 кв. м тәшкил итә.
Татарстан Экология һәм табигать ресурслары министрлыгының Үзәк территориаль идарәсе инспекторлары Казан шәһәренең Идел буе районы Утар бистәсендәге Подувалье сулыгына күбекле агынты сулар агызу турындагы мәгълүмат буенча берничә тапкыр шул урынга чыктылар.
Әтнә районы Шикәнәс авылында яшәүчеләрнең рөхсәтсез калдыклар урнаштыру турындагы шикаятенә нигезләнеп, ТР Экология министрлыгының Төньяк территориаль идарәсе инспекторлары тарафыннан урынга чыгу гамәлгә ашырылды. Территорияне тикшерү барышында Әтнә елгасының исемсез кушылдыгында табигать саклау законнарын бозулар булуы ачыкланган. Авылда яшәүче хатын-кыз үз теләге белән су объектын алырга тырышкан.
Азнакай районы территориясен тикшерү барышында ТР Экология министрлыгының Ык буе территориаль идарәсе инспекторлары Вахитов авыл җирлегендә рөхсәтсез калдыклар урнаштыруны ачыкладылар. Чүпләнгән территориянең мәйданы 1000 кв. м тәшкил итә, чүплекнең күләме – 35 куб. м.
Бүген ТР Экология министрлыгының Төньяк территориаль идарәсе инспекторлары, Татар табигать саклау районара прокуратурасы һәм Росприроднадзор вәкилләре сөт комбинаты территориясен тикшерү өчен урынга чыктылар.
Әлмәт районын мониторинглау барышында ТР Экология министрлыгының Көньяк-Көнчыгыш территориаль идарәсе инспекторлары Сәрән авыл җирлегендә рөхсәтсез калдыклар җыюны ачыклаганнар. Чүплекнең гомуми мәйданы – 750 кв.м, чүплекнең күләме 240 куб.м тәшкил итә.
Баулы районы территориясен тикшерү барышында ТР Экология министрлыгының Ык буе территориаль идарәсе инспекторлары җир асты байлыкларыннан файдаланучы «Ресурс» ҖЧҖ тарафыннан лицензия килешүе шартларын бозуны ачыклады. Җир асты байлыкларыннан файдаланучы Новозареченск авыл җирлегендә авыл хуҗалыгы билгеләнешендәге җирләрдә файдалы казылмалар чыгару буенча эш алып бара һәм проект документациясен үтәми.
Татарстан Республикасы Экология һәм табигать ресурслары министрлыгының Кама аръягы территориаль идарәсе инспекторлары «Зәй» кооперативының җитештерү (сөт) продукциясе калдыкларын санкцияләнмәгән рәвештә Зәй шәһәренә туфракка агызу турындагы мәгълүмат буенча урынга чыкты. Территорияне тикшерү барышында табигать саклау законнарын бозу факты расланды. Пычранган территориянең гомуми мәйданы – 654,38 кв.м., күләме – 264,36 куб. м.
Министрлыкның дәүләт инспекторлары тарафыннан «Белянкино» бакчачылык ширкәте һәм Казан шәһәре Совет районы Аки бистәсе арасында Киндер елгасы буенда урнашкан җир кишәрлекләренә карата күчмә тикшерү үткәрелде. Тикшерү вакытында су объектына ирекле керүне чикләү фактлары билгеләнмәде. Капиталь төзелеш объектыннан су киселешенә кадәр ара 75 метр тәшкил итә.