Чүплекләр бетсен! Экологлар элек ачыкланган хокук бозуларның бетерелүен тикшерәләр

2024 елның 19 ноябре, сишәмбе

ТР Экология министрлыгының Үзәк территориаль идарәсе инспекторлары элек бирелгән кисәтүләрнең үтәлешен тикшереп торуны дәвам итә. Күчмә тикшерү үткәрү кысаларында ачыкланганча, сентябрьдә Казан шәһәренең Совет районында ачыкланган чүплек өемнәре хәзер бетерелгән. 25 кв.м мәйданлы чүплекне бетерү кирәклеге турындагы таләпне җир кишәрлеге милекчесе – район администрациясе күрсәтелгән вакытта үтәгән.

Хәзерге вакытта Биектау авылында Большая Красная урамында да чүплек бетерелгән. Элегрәк күрсәтелгән участокта экологлар агач эшкәртү һәм рубероидтан  калдыклары ташлау урынын ачыклаганнар иде. Тикшерү вакытында югарыда күрсәтелгән территория канәгатьләнерлек хәлдә иде. Барлык хокук бозулар да бетерелгән.