ЯҢАЛЫКЛАР

Арча балалар бакчасында «Мәктәпкәчә яшьтәге балаларга экологик белем бирү. Дөньякүләм күзаллауны үстерү һәм тәҗрибә-тикшеренү эшчәнлеге» темасына экология буенча төбәк семинары үтте. Чарада ТР Экология министрлыгының Төньяк территориаль идарәсе инспекторлары катнашты.

Экология министрлыгының Көньяк-Көнчыгыш территориаль идарәсе инспекторлары Нурлат районының Урта Камышлы авылындагы 38 нче балалар бакчасында тәрбияләнүчеләр өчен «Елның теләсә кайсы вакытында табигатьне саклыйбыз» дигән темага экологик белем бирү дәресе үткәрделәр.

Ел саен Теләче районының Шәдке мәктәбендә «Безнең тирәдәге экология» экоконференциясе уза. Бу мәктәп очраклы гына сайланмаган, ул ТР буенча экологик-географик белем һәм тәрбия буенча инновацион мәйданчык булып тора.

Арча районында Югары Пошалым авылында пычранган эрегән суларның Пошалым елгасына диффуз агымы табылган. Төньяк территориаль идарә инспекторы Экология министрлыгының экологик күзәтчелекне тәэмин итү бүлеге белгечләре белән берлектә Пошалым елгасының (диффуз агымнан югарырак һәм түбәнрәк) табигый су үрнәкләрен сайлап алды. Анализ нәтиҗәләре табигый суда диффуз агымнан түбәнрәк түбәндәге пычраткыч матдәләр буенча артыклык күрсәткән: нитритлар буенча 8,5 тапкыр, тимер буенча 5,3 тапкыр, аммоний ионы буенча 2,5 тапкыр, фосфатлар буенча 1,6 тапкыр.

Кукмара районының Югары Арбаш мәктәбендә «Эзләнүләр һәм иҗат аша камиллеккә» дигән XI төбәкара экологик-географик, фәнни-гамәли конференция узды. Жюри әгъзалары сыйфатында ТР Экология министрлыгының Төньяк территориаль идарәсе белгечләре чакырылган иде.

Экология министрлыгының Төньяк территориаль идарәсе хезмәткәрләре башлангыч сыйныф укучылары белән бергә Арча районының 3 нче мәктәбе укучылары  күчмә кошлар кошлар өчен Җиңү паркында җимлекләр элделәр.

Татарстан Республикасы Экология министрлыгының Төньяк территориаль идарәсе инспекторлары Кукмара районының «Ромашка» балалар бакчасында «Чүп-чарны сортлыйбыз - табигатьне саклыйбыз» темасына экодәрес үткәрде.

Бүген үзенең 50 еллык юбилеен «Юл хәрәкәте яшь инспекторлары» Бөтенроссия балалар-яшүсмерләр оешмасы билгеләп үтә. Махсус бу көнгә ТР Экология министрлыгының территориаль идарәләре хезмәткәрләре экологик дәресләр үткәрделәр, анда балаларга юлда экологик тәртип кагыйдәләре турында сөйләделәр. Юллардагы иминлек – ул уртак кайгырту.

«Министрлыкның өстенлекле бурычларының берсе – халыкны экологик агарту. Ул кешегә беренче чиратта табигать белән дөрес аралашу, аңны, гадәтләрне, яшәү рәвешен һәм фикер йөртүен үзгәртергә өйрәтергә тиеш», - дип билгеләп үтә министрлыкның экологлары. Ведомство белгечләре даими рәвештә дәресләр, викториналар һәм мастер-класслар үткәрәләр.

ТР Экология министрлыгының Төньяк территориаль идарәсе инспекторлары Арчаның 2нче мәктәбенең беренче сыйныф укучылары өчен мавыктыргыч экологик дәрес үткәрде.