Арча районында Пошалым елгасында пычранган эрегән суларның диффуз агымы ачыкланган

2023 елның 31 марты, җомга

Арча районында Югары Пошалым авылында пычранган эрегән суларның Пошалым елгасына диффуз агымы табылган. Төньяк территориаль идарә инспекторы Экология министрлыгының экологик күзәтчелекне тәэмин итү бүлеге белгечләре белән берлектә Пошалым елгасының (диффуз агымнан югарырак һәм түбәнрәк) табигый су үрнәкләрен сайлап алды. Анализ нәтиҗәләре табигый суда диффуз агымнан түбәнрәк түбәндәге пычраткыч матдәләр буенча артыклык күрсәткән: нитритлар буенча 8,5 тапкыр, тимер буенча 5,3 тапкыр, аммоний ионы буенча 2,5 тапкыр, фосфатлар буенча 1,6 тапкыр.

Авыл хуҗалыгы объектлары эшчәнлеге өлкәсендәге кагыйдәләр бозылулар, терлекчелек калдыклары һәм басулардан юыла торган минераль ашламалар пычрануның мөмкин булган чыганаклары булырга мөмкин.