ЯҢАЛЫКЛАР
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары калдыкларны законсыз урнаштыручының кемлеген ачыклаган. Хезмәткәрләрнең агымдагы елның гыйнвар аенда Лениногорск районына рейд барышында 6 000 кв.м мәйданда зур чүп өеменә тап булганлыкларын искә төшерик.
Әлмәт шәһәре Урсалы микрорайонында яшәүче бер ир-ат өендә төзелеш калдыкларын кабул итү пунктын оештырган. Ул бетон ватыкларын, китерелгән башка чүп-чарны, алга таба үз участогын тигезләүдә куллану өчен, җиргә өеп барган. Рейд барышында Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары чүплек мәйданының 36 кв.м тәшкил итүен исәпләп чыгарган.
10нчы урта гомуми белем бирү мәктәбенең 5нче сыйныф укучылары интеллектуаль квест үткәргән. Балалар “Чиста булачак!” хәрәкәте активистлары белән берлектә чүп савытына иң еш ыргытыла торган калдыкларга җентекле анализ ясаган. Укучылар шулай ук икенчел эшкәртүнең әйләнә-тирә мохит өчен иң куркынычсыз, иң кулай гамәл булып торуын аңлауга ирешкән.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Исемсез инешкә яңгыр сулары канализациясе системасыннан ташландык сулар агызуны ачыклаган.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Чирмешән районына рейд барышында су объектыннан үзбелдеклеләнеп файдалану очрагын теркәгән. Мордовское –Афонькино авылы тирәсендә Лагерка елгасыннан мотопомпа ярдәмендә автоцистернага су җыю факты билгеләнгән.
Бораулау белән шөгыльләнүче предприятиегә су объектыннан үзбелдеклеләнеп файдаланган өчен 70 мең сум күләмендә штраф яный. Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе хезмәткәрләре Бөгелмә районы буенча рейд барышында шушы закон бозу очрагын ачыклаган.
Татарстан Республикасы Югары суды Казанның бер төзелеш фирмасын гаепле дип таныган. 500 мең сум күләмендә штраф түләү рәвешендә административ җәза билгеләү турында экологлар тарафыннан чыгарылган карар үз көчендә кала, дигән сүз бу.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе хезмәткәрләре Әлмәт районында рейд барышында табигатьне саклау законын бозуны ачыклаган. Тәгаенләп әйткәндә, алар Түбән Мактама шәһәр тибындагы бистәсе тирәсендә, торбаларны сүтеп алу максатыннан, рөхсәт документларыннан башка гына җир эшләренең башкарылуын билгеләгән.
Татарстан Республикасы Югары суды экологлар карары буенча Әлмәт шәһәре судын үзгәрешсез калдырган. Узган елның көзендә Татарстан Республикасы Экология һәм табигать ресурслары министрлыгы Көньяк-Көнчыгыш территориаль идарәсе инспекторларының Кече инешкә металл торба сузылганлыгын күреп алуларын искә төшерик. Алар тимер торба юлын эзләү җайланмасы ярдәмендә торбаүткәргечнең “ОПУ-30” предприятиесе территориясеннән сузылганлыгын ачыклаганнар.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе хезмәткәрләре Әлмәт районы Урман Кәләе урта гомуми белем бирү мәктәбе укучылары өчен “Су сыйфаты көне” дигән чара үткәргән.