ЯҢАЛЫКЛАР

Бүген Мәскәүдә Федераль экологик совет утырышы бара, анда Россия Федерациясе табигый байлыклар һәм экология министры Сергей Донской рәислек итә. Чарада Татарстан экология һәм табигый байлыклар министры Артем Сидоров, Татарстан Дәүләт Советының Экология, табигатьтән файдалану, агроиндустрия һәм азык-төлек политикасы комитеты рәисе Таһир Һадиев катнаша.
Экологик совет төзү турында теләкләр 2013 елның декабрендә Мәскәүдә булып узган IV Әйләнә-тирәлекне саклау съездында белдерелгән иде. Ул даими эшләүче коллегиаль орган булачак, аның эше федераль һәм региональ закон чыгаручы һәм башкарма хакимият органнарының табигать саклау өлкәсендәге бәйләнешләрен тәэмин итүгә юнәлтеләчәк.
4 декабрьдә Россия Федерациясе Табигый байлыклар һәм экология министрлыгында, Россиянең Мәдәният елы кысаларында, экологик җаваплылык идеясен киң таратуга һәм табигатькә аңлы караш тәрбияләүгә багышланган “Экологик культура һәм мәгариф: төбәкләр диалогы” дигән беренче бөтенроссия очрашуы уздырыла. Чарада федераль

Бүген Казанның Экономика, идарә һәм хокук институтында “Коррупциягә каршылык диалектикасы” IV бөтенроссия фәнни-гамәли конференциясе булып узды. Аның эшендә Татарстан Экология һәм табигый байлыклар министрлыгының Дәүләт службасы һәм кадрлар бүлегенең башкаручы киңәшчесе Екатерина Питернова катнашты.
Конференция кысаларында түбәндәге мәсьәләләр тикшерелде:
– коррупция күренеше, аның башка күренешләр һәм процесслар белән бәйләнеше;
– коррупциянең политик, социаль, экономик һәм башка нәтиҗәләре;
– коррупциягә каршылык практикасына ретроспектив анализ;
– коррупциягә каршылык буенча чит илләр тәҗрибәсе;
– коррупциягә каршылык өлкәсендә хокукый инновацияләр;
– Россиядә һәм чит илләрдә коррупциянең детерминантлары;
– Татарстанда һәм Россиянең башка төбәкләрендә коррупциягә каршылык тәҗрибәсе;
– коррупциягә каршылык чаралары системасы;

2014 елның 2-5 декабрендә Франциядә, индустрия һәм региональ хакимият органнары өчен, әйләнә-тирәлекне саклау һәм тотрыклы үсеш буенча Pollutec Lyon 2014 күргәзмәсе үткәрелә. Анда барлык төр көнкүреш һәм индустрия калдыкларын утильләштерү һәм эшкәртү өлкәсендәге соңгы казанышлар, шулай ук яшәеш калдыкларын җыю, ташу, сортлау һәм күмү өчен булган алдынгы технологияләр, инновацион җиһазлар һәм махсус техника күрсәтелә.

Татарстан экология һәм табигый байлыклар министры Артем Сидоров “Антарктида-100” проектында катнашучыларны экспедициягә озату тантанасында катнашты. Тантана Татарстан Табигать тарихы музеенда уздырылды.
Рус география җәмгыятенең яңа проекты Антарктиданы ачучы, 1819-1821 еллардагы Беренче рус антарктика экспедициясенең бердәнбер галиме, Казан университеты ректоры Иван Михайлович Симоновка багышлана.
Проектта катнашучыларны тәбрикләү чыгышында Артем Сидоров Экология министрлыгы һәм Рус география җәмгыятенең Татарстан бүлекчәсе бергәлектә алып барган эшләрне, аерым алганда, сулыкларны чистарту акцияләрен, республика елгаларында баткан йөзү чараларына су асты мониторингын искә алды. Суга баткан гыйбадәтханәләрне эзләп табу белән бәйле “Татарстанның изге урыннары” проектын

Казан шәһәр мәгариф идарәсе, балаларның Казан экология-биология үзәге белән берлектә, “Туган җирем: табигате, мәдәнияте, этносы” бөтенроссия конкурсының шәһәр этабын үткәрә. Конкурсның максаты – балаларда һәм яшьләрдә табигый һәм мәдәни тирәлеккә бәяле караш, шулай ук Россиядә яшәүче башка этнослар мәдәниятенә толерантлык һәм хөрмәт тәрбияләү. Анда мәгариф йортларында укучы 12 яшьтән 18 яшькә кадәрге, үз туган җиренең табигатен һәм мәдәни мирасын өйрәнү һәм саклау белән кызыксынучы балалар һәм үсмерләр катнаша ала.
Конкурс эшләрен тапшыру формалары:
– өйрәнү-тикшеренү эше – “Гуманитар-экологик тикшеренүләр” номинациясендә;
– маршрут, сукмак тасвиры – “Экология һәм туган якны өйрәнү тасвирлары” номинациясендә;
– публицистик әсәр (мәкалә, эссе, очерк һ.б.ш.) – “Табигатьне һәм мәдәниятне яклау

Экология министрлыгында Татарстан Республикасы Хөкүмәте белән “Яшел Россия” бөтенроссия иҗтимагый экологик хәрәкәте арасында килешүгә кул куелды. Кул куючылар – Татарстан Премьер-министрының беренче урынбасары Алексей Песошин һәм “Яшел Россия” рәисе Константин Курченков.
“Яшел Россия” бөтенроссия өмәсендә иң актив катнашучыларны бүләкләү тантанасы да булып узды, аны Константин Курченков һәм Россия Дәүләт Думасы депутаты Анатолий Карпов алып барды.
Тантанада Татарстан экология һәм табигый байлыклар министры Артем Сидоров чыгыш ясады. “Республиканың экологик куркынычсызлыгына зур игътибар бирелә, һәм андый эшләр җәмәгать оешмалары белән тыгыз бәйләнештә алып барыла. Бөтенроссия өмәсе кебек глобаль акцияләр үткәрү җәмгыятебезнең җитлеккәнлеге, югары экологик культурасы һәм гражданлык позициясе турында сөйли. Бездә шулай ук социаль-экологик

Бүген Казан Федераль университетының кулланма экология кафедрасы мөдире, химия фәннәре докторы, профессор, Россия экология академиясе академигы, Татарстан Фәннәр Академиясе Президиумы каршындагы Экология проблемалары буенча фәнни совет рәисе, Татарстан Фәннәр Академиясенең әгъза-корреспонденты Венера Латыйпова юбилеен билгеләп үтә.
Татарстан экология һәм табигый байлыклар министрының беренче урынбасары Рөстәм Камалов, министр Артем Сидоров исеменнән, аңа әйләнә-тирәлекне саклау буенча күпьеллык тырыш хезмәтләре, Татарстанның экологик куркынычсызлыгын тәэмин итү өлкәсендә уңышлы хезмәттәшлек итүе һәм җәмәгатьчелек хәрәкәтен аякка бастыруда ирешкән нәтиҗәләре өчен Мактау грамотасы тапшырды.
Венера Латыйпова шулай ук Татарстан Экология һәм табигый байлыклар министрлыгының Фәнни-техник советы әгъзасы һәм Коллегия әгъзасы, “Экологик һәм индустриаль куркынычсызлык”, “Теоретик һәм кулланма экология” журналларының редколлегия әгъзасы, Татарстан Сәүдә-индустрия палатасы каршындагы Куркынычлы калдыклар буенча комиссиянең фәнни консультанты булып тора.
Венера Латыйпованың фәнни интереслар өлкәсе – экология, экологик нормалаштыру, табигать системаларының биогеохимиясе, экологик мониторинг. Ул экология һәм табигатьтән файдалану өлкәсендә шактый зур фәнни нәтиҗәләргә ирешкән галим булып

Татарстан Экология һәм табигый байлыклар министрлыгы “Татарстан Республикасының иң яхшы товарлары һәм хезмәтләре” еллык республика конкурсында “Хезмәтләр” номинациясендә җиңүче булды. Конкурска Министрлыкның Үзәк махсус аналитик контроль инспекциясенең әйләнә-тирәлек объектларына экологик-аналитик контроль өлкәсендәге эшчәнлеге тәкъдим ителгән иде.
Конкурсны Татарстан Индустрия һәм сәүдә министрлыгы һәм “Татарстан Стандарт-лаштыру, метрология һәм сынаулар региональ үзәге” ФБУ оештырды.

Бүген Мәскәүдә Россия һәм Көньяк Кореяның алдынгы экологларының беренче халыкара “Яшел күпер” форумы үткәрелә. Аның максаты – халыкара экологик куркынычсызлык системасын формалаштыру. Чара кысаларында шундый мәсьәләләр тикшерелә:
– Россиянең һәм Көньяк Кореяның экологик куркынычсызлыгын тәэмин итү өлкәсендә халыкара хезмәттәшлекне ныгыту;
– экономиканың экологик нәтиҗәлелеген күтәрү;
– ресурс саклаучы, энергетик нәтиҗәле һәм аз калдыклы технологияләрне, чималны һәм калдыкларны тирән эшкәртүне иңдерү өлкәсендәге хокукый көйләү механизмнарын

Бүген технопаркта яшьләрнең “Саф караш” ачык социаль реклама конкурсында җиңүчеләрне бүләкләү тантанасы булып узды. Аны Татарстан экология һәм табигый байлыклар министры Артем Сидоров ачып җибәрде.
Конкурсны Татарстан Экология һәм табигый байлыклар министрлыгы өченче ел рәттән үткәрә. Быел аңа Россия Федерациясенең 53 субъектыннан 1000ләп эш тәкъдим ителде.
Жюри советына Татарстан экология һәм табигый байлыклар министры Артем Сидоров, министрның беренче урынбасары Рөстәм Камалов, Татарстан Дәүләт Советы рәисенең беренче урынбасары, Татарстан Журналистлар берлеге рәисе Римма Ратникова, “Связьинвестнефтехим” ААҖ директорлар советы рәисе Кәфил Әмиров, “Яңа гасыр” ТРК генераль директоры, Татарстан Югары Советы депутаты Илшат Әминов, “Татарстан” ДТРК филиалы директоры Фирдүс Гыймалтдинов, “Казан” ТРК генераль директоры