ЯҢАЛЫКЛАР

Кичә Казанда үткәрелгән Татарстан Республикасы Югары Советы утырышында калдыклар белән эш итү проблемасы турында доклад белән Татарстан экология һәм табигый байлыклар министры Артем Сидоров чыгыш ясады.
Докладта әйтелгәнчә, республикада чүплекләрне ачыклау һәм бетерү буенча бердәм геоинформация системасы – “Татарстан Республикасының Экологик картасы” төзелгән, барлык күзәтчелек органнары шуның белән эш итә. Быелгы 10 айда Татарстан территориясендә эш итүче барлык күзәтчелек органнары тарафыннан калдыклар белән эш итү өлкәсендәге бозулар өчен 753 юридик зат һәм 364 хосусый эшмәкәр, 2270 вазифалы зат һәм 3225 физик зат административ җаваплылыкка тартылган

2014 елның 26 ноябрендә Татарстан Республикасы Югары судында Татарстан Республикасы РФ КоАП 8.6 ст. 2 ө. (җирнең уңдырышлы катламын юк итү, шулай ук җирләрне кешеләр саулыгы һәм әйләнә-тирәлек өчен куркынычлы матдәләр, җитештерү һәм куллану калдыклары белән эш итү кагыйдәләрен бозу аркылы бозу) буенча административ хокук бозу турында Татарстан Экология һәм табигый байлыклар министрлыгының Кама аръягы территориаль идарәсе белгечләре төзегән беркетмәсе буенча Түбән Кама шәһәр суды чыгарган карарны законсыз дип тану турындагы “Экотехнологияләр” ҖЧҖ юридик заты шикаяте буенча суд утырышы булып узды. Югары суд әлеге карарны үзгәрешсез, законлы көчендә калдырды, шикаятьне канәгатьләндермәде.
“Экотехнилогияләр” ҖЧҖенә, Татарстан экология һәм табигый байлыклар министры

Бүген Татарстан Экология һәм табигый байлыклар министрлыгында Азнакай муниципаль районындагы җирле әһәмияттәге “Балтач-2” кишәрлеген бурташны геологик өйрәнү, эзләү һәм чыгару өчен, Бөгелмә муниципаль районындагы “Кече Бөгелмә-2” кишәрлеген кирпеч балчыкларын геологик өйрәнү, эзләү һәм чыгару өчен, Мамадыш муниципаль районындагы “Урманчы” кишәрлеген комны геологик өйрәнү, эзләү һәм чыгару өчен куллану хокукына аукционнар үткәрелде.
Аукционнарны үткәрү турында хәбәрләр 2014 елның 13 октябрендә Россия Федерациясенең сәүдәләр турындагы http://www.torgi.gov.ru сайтына һәм Министрлык сайтында урнаштырылган иде.
Барлыгы Татарстанның җирле әһәмияттәге 10 җир асты байлыклары кишәрлеге буенча аукцион үткәрү турында игълан ителде. Гаризалар кабул итүне туктату датасына, 2014

Новосибирск шәһәрендә 2014 елның 26-27 ноябрендә “Экологик культура, сәламәт һәм куркынычсыз яшәү рәвеше: чишелешләрнең яңа кимәле” бөтенроссия фәнни-конференциясе бара. Аның максаты – экологик белем бирү өлкәсендә булган гамәлләре анализлау, тормыш куркынычсызлыгы нигезләре программаларын тормышка ашыру, гомуми белем бирүнең яңа федераль дәүләт стандарты кертелү уңаеннан экологик белем бирү өлкәсендәге яңа чишелеш, модель, технология, эчтәлекләрне, форма һәм алымнарны ачыклау һәм тикшерү.

Бүген Татарстан Экология министрлыгының Ык буе территориаль идарәсе башлыгы Хәлил Салиховичның туган көне. Ул министрлыкта 1994 елдан бирле эшли, әлеге вазифасында – 2001 елдан бирле. Экология министрлыгы коллективы аңа ныклы сәламәтлек, иминлек, бетмәс көч-куәт, иҗат һәм хезмәт уңышлары тели.

Кемерово шәһәрендә 2014 елның 25-28 ноябрендә “Экотек-2014” күргәзмәсе үткәрелә. Аның программасында фәнни-гамәли семинарлар күздә тотыла. Күргәзмәдә Россиянең һәм чит илләрнең индустриаль һәм көнкүреш калдыкларын җыю, утильләштерү, эшкәртү һәм урнаштыру, юынты суларны чистарту, су ресурсларын куллану, газларны, һаваны, туфракны чистарту, хезмәт саклау һәм индустриаль куркынычсызлык, аналитик контроль, энергия һәм ресурсларны саклау өлкәсендә эшләүче алдынгы компанияләре күрсәтелә.

Татарстан Республикасы Министрлар Кабинетында “Татарстанның иң яхшы дәүләти гражданлык хезмәткәре” республика конкурсында җиңүчеләр бүләкләнде. “Дәүләт органнары эшчәнлеген оештыру, мәгълүмәт, документлар, финанс-экономик, хуҗалык һәм башкача тәэмин итү” номинациясендә Татарстан Экология һәм табигый байлыклар министрлыгының Мәгълүмәт-аналитика эшчәнлеге идарәсе башлыгы Лилия Гыйз¬зәтул-лина җиңүче булды.

2014 елның 22 ноябрендә Казан теннис академиясендә, Татарстан Дәүләти һәм муниципаль хезмәткәрләр Спартакиадасы кысаларында, бадминтон ярышлары үткәрелде. Татарстан Экология һәм табигый байлыклар министрлыгы командасы 9нчы урынны алды. Тулай командалар зачетында ул 6нчы урында.

28 ноябрьдә 14.00дә “IT-парк”та республика яшьләренең “Саф караш” ачык социаль реклама конкурсына йомгак ясалып, анда җиңүчеләр бүләкләнәчәк. Конкурсны Татарстан Экология һәм табигый байлыклар министрлыгы инде өченче ел рәттән үткәрә. Быел аңа Россиянең 53 субъектыннан меңгә якын эш тәкъдим ителде.
“Саф караш” конкурсы халыкны әйләнә-тирәлекне саклау мәсьәләләренә җәлеп итү, яшьләргә экология өлкәсендәге теге я бу проблемага үз карашын белдерү мөмкинлеге бирү максатыннан үткәрелә.
Журналистлар 267-68-22 телефоны буенча аккредитацияләнә.

2014 елның 21-23 ноябрендә Мәскәүдә 3нче халыкара махсуслашкан “ЭкоШәһәрЭкспо 2014” экологик чиста, табигый һәм органик продукция күргәзмәсе үткәрелә. Өч көн буена анда Россия һәм чит ил җитештерүчеләренең экологик продукциясе дүрт бүлектә күрсәтелә:
– “ЭкоFood” – экологик азык-төлек һәм эчемлекләр, таза туклану, фермерлар продукциясе;
– “ЭкоBeauty” – матурлык, косметика һәм мода индустриясендә органик һәм табигый продуктлар;
– “ЭкоHouse” – экологик торак кору, тоту һәм төзү өчен кирәкле барлык нәрсәләр;
– “ЭкоChildren” – балалар һәм ата-аналар өчен экологик продукцияләр.
Күргәзмә кысаларында Россия базарында экологик продукция булып торуның көнүзәк мәсьәләләренә багышланган конференция дә үткәрелә.