ЯҢАЛЫКЛАР
Экология елы кысаларында 2016 ел белән чагыштырганда 6 мәртәбә күбрәк гидротехника корылмасы төзекләндерелгән. Республикадагы 3 меңнән артык торак йорт һәм 15 меңнән артык кеше куркыныч зонасыннан коткарылган, ярты миллионнан артык татарстанлы өчен яшәү иминлеге арттырылган. Бу хакта Татарстан Республикасы экология һәм табигый ресурслар Министры Фәрит Габделганиев хәбәр итте.
19 гыйнвар көнне 10:00 сәгатьтә Татарстан Республикасының Экология һәм табигый ресурслар министрлыгында (Казан ш., Павлюхин ур., 75) кече һәм урта бизнес эшкуарлары өчен укулар узачак. Төп темасы: хуҗалыкка бәйле һәм башка төрле эшчәнлек нәтиҗәсендә калдыклар барлыкка килү, аларны куллану, йогышсызландыру һәм урнаштыру турында хисап тоту.
Татарстан Республикасы Экология һәм табигый ресурслар министрлыгы 1 мартка кадәр кече һәм урта эшкуарлык субъектларыннан калдыклар барлыкка килү, аларны куллану, йогышсызландыру һәм урнаштыру турында хисаплар кабул итә. Хисаплылык кайсы калдыкларның кайда нинди күләмдә барлыкка килүен, төзелгән шартнамәләр нигезендә әлеге калдыкларның кайсы махсуслаштырылган оешмаларга тапшырылуын төгәл аңлау өчен кирәк.
Татарстан Республикасы Экология һәм табигый ресурслар министрлыгы белән Татарстан Республикасында Табигатьтән файдалану өлкәсендә күзәтчелек буенча федераль хезмәт идарәсенең "2017 елгы эш йомгаклары һәм 2018 елга бурычлар турында" Татарстан Республикасы Президенты Р.Н.Миңнеханов һәм Россия Федерациясе Табигать ресурслары һәм экология министры урынбасары – Табигатьтән файдалану өлкәсендә күзәтчелек буенча федераль хезмәт җитәкчесе урынбасары А.Г. Сидоров катнашында уртак киңәйтелгән йомгаклау коллегиясе утырышына журналистларны аккредитацияләү башланды.
Татарстанның беренче махсуслаштырылган экология сыйныфында укучылар республиканың тыюлыклы почмакларына виртуаль экскурсия ясады. Балаларга хайваннар һәм үсемлекләр дөньясындагы вәкилләр, табигатьне саклауда махсус сакланучы табигать территорияләренең роле турында Татарстан Республикасы Экология һәм табигый ресурслар министрлыгы белгечләре һәм Идел-Чулман дәүләт табигый биосфера тыюлыгы хезмәткәрләре сөйләде.
Тукраннар, шул исәптән Россия төбәкләре Кызыл китапларына кертелгәннәре дә, төшерелгән дүрт марка бүгенге көндә "Фауна России" сериясе кысаларында почта хезмәтләре өчен кулланыла. Бу хакта Россия Федерациясе Табигать ресурслары һәм экология министрлыгының рәсми сайтында хәбәр ителә.
Хәбәр җибәрүне туктатып тору һәм урнашкан урынны төгәл билгеләү. "Мәктәп эко-патруле" мобиль кушымтасының яңартылган версиясендә хәзер шундый мөмкинлекләрдән файдаланырга була. Хәзер хокук бозу очрагын фотога яисә видеога төшергәннән соң, интернет дулкыннары тотмаган очракта, мәктәп укучылары хәбәрне “каралама”да саклый, ә инде интернет “эшли” башлагач, аны җибәрү эшен дәвам иттерә ала.
2018 елның 22-23 мартында Мәскәүдә IX Халыкара "Экология" форумы узачак. Чара РФ ФҖ Федерация Советы, РФ ФҖ Дәүләт Думасы, РФ Табигать ресурслары һәм экология министрлыгы, РФ Төзелеш һәм торак-коммуналь хуҗалык министрлыгы, Табигатьтән файдалану өлкәсендә күзәтчелек буенча федераль хезмәт һәм профильле башка министрлыклар һәм ведомстволар ярдәмендә һәм катнашында узачак. Форумның максатлары: әйләнә-тирә мохитне саклау өлкәсендә дәүләт сәясәтен камилләштерү, хакимият, җәмгыять һәм бизнес арасында ачык диалог өчен шартлар тудыру.
2018 елның 4 апреленнән 6сына кадәрге чорда Россиянең Серго Орджоникидзе исемендәге дәүләт геология-разведка университетында "Җир асты байлыкларын геологик тикшерүне үстерү стратегиясе: хәзергесе һәм киләчәге" халыкара фәнни-гамәли конференциясе узачак. Чара кысаларында пленар утырыш, секция утырышлары булачак:
2018 елның 22-23 мартында Мәскәүдә IX Халыкара "Экология" форумы узачак. Чара РФ ФҖ Федерация Советы, РФ ФҖ Дәүләт Думасы, РФ Табигать ресурслары һәм экология министрлыгы, РФ Төзелеш һәм торак-коммуналь хуҗалык министрлыгы, Табигатьтән файдалану өлкәсендә күзәтчелек буенча федераль хезмәт һәм профильле башка министрлыклар һәм ведомстволар ярдәмендә һәм катнашында узачак. Форумның максатлары: әйләнә-тирә мохитне саклау өлкәсендә дәүләт сәясәтен камилләштерү, хакимият, җәмгыять һәм бизнес арасында ачык диалог өчен шартлар тудыру.