Ык буе ТИ инспекторлары Азнакайда санкцияләнмәгән чүплек урыннарын ачыклады

2018 елның 6 апреле, җомга

Санитар-экологик икеайлык кысаларында уздырылган рейд барышында ТР Эконминистрлыгының Ык буе территориаль идарәсе инспекторлары Азнакайда төзелеш калдыкларыннан барлыкка килгән чүплек урынын ачыклады. Сәүдә үзәгенең ремонтлана торган бинасы территориясендә такта, тартма һәм керамик плитә өемнәреннән тау хасил булган. Чүплекләрнең гомуми мәйданы – 20 кв. метрдан артык. Экологлар билгеләп узганча, әлеге факт экологик һәм санитар-эпидемиологик таләпләрне бозу булып тора, мондый очраклар туфрак өчен тискәре йогынты китереп чыгарырга мөмкин. Инспекторлар РФ КоАП 8.2 ст. буенча административ беркетмә төзеде, хокук бозучыларга штраф яный.

ТР ЭТРМ матбугат хезмәте