ЯҢАЛЫКЛАР

Пневматик шиннар, көнкүрештән калган эре калдыклар, кара тимер ватыгы. Татарстан Республикасы Экология һәм табигать ресурслары министрлыгының Кама буе территориаль идарәсе инспекторлары Менделеев районында тиешсез урынга чүп-чар өеме ясау фактына тап булган.

Бүген Россия Федерациясе Табигать ресурслары һәм экология министрлыгында Россия табигать ресурслары һәм экология министры Дмитрий Кобылкин рәислегендә киңәшмә булып узды. Фикер алышуда Татарстан Республикасы Хөкүмәтеннән ТР Премьер-министрының беренче урынбасары Рөстәм Нигъмәтуллин, республикабызның табигатьне саклау министрлыклары һәм ведомстволары вәкилләре катнашты.

31 май көнне 18:30 сәгатьтә Кремль яр буенда экологик велоквест – шөәһәрнең сулыклары, күлләре һәм экологиясе турында ике сәгатьлек уен башланып китәчәк. Чара Халыкара сулыкларны чистарту көненә багышлап үткәрелә.

35 экологик берләшмә һәм 520 экоактивист. 2018-2019 елгы сезонда “Экоактивлар” проектына әнә шул санда ихтыяри кушылган. Проект, ТР Экология һәм табигать ресурслары министрлыгының Кама буе территориаль идарәсе, Чаллы шәһәре башкарма комитетының мәгариф һәм яшьләр эшләре идарәсе ярдәмендә, шәһәрнең экологик оешмалары белән хезмәттәшлек нигезендә, “Чүп.Бүтән.Юк.Чаллы” экологик хәрәкәте башлангычы белән тормышка ашырыла.

IX Бөтенроссия педагогик идеяләр фестивален үткәрүгә республикабызның 216 мәгариф оешмасы кушылган. “Экомәктәп/Яшел флаг” Халыкара программасы кысаларында оештырылган чара 21– 27 май көннәрендә уздырыла.

Бүген ТР экология һәм табигать ресурслары министры урынбасары – әйләнә-тирә мохитне саклау өлкәсендә ТР Баш дәүләт инспекторы  Фаяз Шакиров республика территориясе чисталыгын вертолетка утырып күзәтеп йөрде. Казан, Мамадыш, Алабуга, Менделеев, Тукай, Сарман, Зәй, Түбән Кама һәм Чистай районнары өстеннән очканда табигатьне саклау законын бозуның 70тән артыграк очрагы билгеләнгән. Ачыкланган шундый фактлар арасыннан – калдыкларны рөхсәтсез урыннарга урнаштыру, ташландык суларны чистартмыйча гына елга-күлләргә агызу.

Татарстан активистлары “Чиста уеннар” федераль проекты кысаларында 6 тонна чамасы чүп җыйган. Узган ял көннәрендә республикабызның 4 мәйданчыгында уздырылган команда ярышлары нәтиҗәләре буенча Автомобиль төзүчеләр шәһәрендә яшәүчеләр абсолют рекордчыларга әйләнгән.

Татарстан Республикасы Экология һәм табигать ресурслары министрлыгының Кама буе территориаль идарәсе белгечләре Чаллы шәһәре 46нчы урта гомуми белем бирү мәктәбе укучыларына лаборатория шартларында суга анализ ясау һәм һаваның чисталыгын тикшерү турында сөйләде.

Бүген Үзбәкстан Республикасының Экология һәм әйләнә-тирә мохитне саклау буенча дәүләт комитеты вәкилләре Татарстан экологлары эше белән танышты. Чит илдән килгән коллегаларын Татарстан Республикасы экология һәм табигать ресурслары министры урынбасары Егор Тарнавский сәламләде.

Бүген Казанда “Евразия күлләре: проблемалар һәм аларны хәл кылу юллары” дигән темага II Халыкара конференциясе ачылды. Россиядән, Әрмәнстан, Беларусь, Һиндстан, Казахстан, Кытай, Пакыстан, Таҗикстан, Финляндия,  Франция, Эстониядән килгән биш йөз вәкил су объектларын саклау һәм савыктыру өлкәсендә көн кадагына суга торган мәсьәләләр буенча фикер алышу өчен IT-паркка җыелды.