ЯҢАЛЫКЛАР
2013 елның октябрендә “Үзем – йортым – илем” дигән Бөтенроссия фотоконкурсы үткәрелә. Ул – “Табигать экологиясе – гаилә экологиясе” акциясе кысаларында уза торган конкурсларның берсе, аның максаты – әйләнә-тирәлеккә уңай һәм тискәре караш мисалларында Россия гаиләләрендә экологик культура тәрбияләү. Конкурста теләгән һәркем катнаша ала.
Бүген Татарстан Республикасы Министрлар Кабинетында Яшь геологларның IX бөтенроссия ачык кыр олимпиадасы йомгакларына багышланган брифинг булып узды. Анда Татарстан Экология һәм табигый байлыклар министры Артем Сидоров, Җир асты байлыкларыннан файдалану буенча Татарстан идарәсе башлыгы Равил Мотыйгуллин, “Татнефть” ААҖнең Татарстан геологик эзләнүләр идарәсе башлыгының экология һәм гидрогеология буенча урынбасары, “Россия геология җәмгыяте”нең Татарстан бүлекчәсе рәисе Марат Мәһдиев катнашты.
“Россия гаиләсе” милли-иҗтимагый комитеты 2013 елда “Табигать экологиясе – гаилә экологиясе” Бөтенроссия акциясен үткәрү турында белдерә.
Акциянең максаты – Россия гражданнарында экологик культура, әйләнә-тирәлекне саклау өчен җаваплылык, гаилә һәм табигать ярашлыгы тәрбияләү.
23 августта илнең 17 регионында күмәкләп ял итү урыннарын җыештыру буенча “Чиста пляж яклымын” дигән киң акция үткәрелә. Аның максаты – яшьләрдә экологик аң, өстәмә төзекләндерү һәм “пляж” яки “ял зонасы” рәсми статусы бирелергә тиешле күпләп ял итү һәм коену урыннарына дөрес караш тәрбияләү.
Бүген Казанда, “Кояшлы” һәм “Аръяк” балалар савыктыру лагерьлары базасында яшь геологларның IX Бөтенроссия ачык кыр олимпиадасын ябу үткәрелде. Тантанада Россия Федерациясе Табигый байлыклар һәм экология министры Сергей Донской, Татарстан Президенты Рөстәм Миңнеханов, Җир асты байлыкларыннан файдалану буенча федераль агентлык җитәкчесе урынбасары Андрей Морозов, Татарстан Экология һәм табигый байлыклар министры Артем Сидоров, В.Д.Шашин исемендәге “Татнефть” ААҖ генераль директоры Шәфәгать Тәхәветдинов катнашты.
Бүген Казанда, “Кояшлы” һәм “Аръяк” балалар савыктыру лагерьлары базасында, яшь геологларың IX Бөтенроссия ачык кыр олимпиадасы ачылды.
Ачылу тантанасында Татарстан Республикасы Президенты Рөстәм Миңнеханов, Россия Федерациясе Табигый байлыклар һәм экология министры урынбасары – җир асты байлыкларыннан файдалану буенча федераль агентлык җитәкчесе Валерий Пак, Россия геология җәмгыяте президенты Виктор Орлов, Татарстан Экология һәм табигый байлыклар министры Артем Сидоров катнашты.
РФ Табигый байлыклар һәм экология министры урынбасары – Җир асты байлыкларыннан файдалану буенча федераль агентлык җитәкчесе Валерий Пак белән бүген Татарстан Президенты Рөстәм Миңнеханов очрашты. Очрашу республиканың Хөкүмәт Йортында узды, анда Җир асты байлыкларыннан файдалану буенча федераль агентлык җитәкчесе урынбасары Андрей Морозов, Россия Геология җәмгыяте президенты Виктор Орлов, Җир асты байлыкларыннан файдалану идарәсенең Татарстан буенча башлыгы Равил Мотыйгуллин, Татарстан Экология һәм табигый байлыклар министры Артем Сидоров катнашты.