Шлих сынавы

2013 елның 7 августы, чәршәмбе
Бүген Казанда, Зөбәрҗәт күл (Карьер) буенда яшь геологларның IX Бөтенроссия ачык кыр олимпиадасының чираттагы ярышы булып узды. Бу юлы командалар шлих сынавы буенча осталыкларын күрсәттеләр. Ярышның шарты буенча, катнашучылар 20 минут эчендә 3 литр махсус ком эченнән вак бакыр кисәкчәләрен табарга тиешләр иде. Казахстаннан килгән судья Константин Диссельның әйтүенчә, бу очсызлы, әмма бик нәтиҗәле төп эшләрнең берсе булып тора. Командаларның әзерлеге югары бәяләнде. Җиңүчене исә яшь геологларның IX Бөтенроссия ачы кыр олимпиадасың япканда, 9 августта 11.00дә, “Кояшлы” һәм “Аръяк” лагерьлары базасында игълан итәчәкләр.
Олимпиадада Алтай краеннан, Архангельск өлкәсеннән, Амур өлкәсеннән, Башкортстаннан, Бурятиядән, Воронеж, Иркутск, Калининград, Кемерево, Киров өлкәләреннән, Краснодар, Красноярск крайларыннан, Липецк, Магадан өлкәләреннән, Мәскәүдән, Мәскәү, Новосибирск, Омск, Оренбург өлкәләреннән, Пермь, Диңгез буе крайларыннан, Ростов, Самар, Свердлов өлкәләреннән, Татарстаннан, Томск, Тула, Төмән, Чиләбе өлкәләреннән, Чуашстаннан, Ярославль өлкәсеннән, Казахстаннан, Үзбәкстаннан, Украинадан һәм Таҗикстаннан 40 команда катнаша.
Белешмә өчен:
Шлих сынавы алмаз яткылыкларын һәм башка шундыйларны эзләгәндә төп алымнарның берсе булып тора. Ул рудалашу индикаторы булган минералларны ачыклау, аларның таралыш ореолын билгеләү, чыганакны һәм көпшәк материалның читкә китешен билгеләү белән бәйле бик күп гомум геологик мәсьәләләрне чишү, шулай ук уңай минералогик ассоциацияләрне табу өчен кулланыла. Шлихлар юган чакта ук визуаль карала.
Министрлыкның матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International