«Җир асты байлыклары-2014. Өйрәнү. Эзләү. Чыгару» XI Халыкара күргәзмәсе

       2014 елның 1 – 3 апрелендә Мәскәүдә “Җир асты байлыклары-2014. Өйрәнү. Эзләү. Чыгару” XI Халыкара күргәзмәсе уздырыла. Чара Геолог көненә багышлана һәм Бөтенроссия күргәзмә үзәгендә узачак (Тынычлык проспекты, 55нче павильон).
           Бу күргәзмә 2044 елдан бирле, Россия Федерация Советы; Россия Дәүләт Думасының Табигый байлыклар, табигатьтән файдалану һәм экология комитеты; Россия Табигый байлыклар һәм экология министрлыгы; Россия Сәүдә-индустрия палатасы; Россия Геология җәмгыяте; Россия нефть-газ промышленниклары берлеге ярдәме белән үткәрелә.
        “Җир асты байлыклары” күргәзмәсе – алдынгы компанияләр белгечләренең традицион очрашу урыны булып тора, анда җир асты байлыкларыннан файдалану, геологик эзләнүләрне һәм тау эшләрен техник-технологик тәэмин итү өлкәсендәге яңа идеяләр һәм технологияләр тикшерелә.
         Күргәзмәне килүчеләр өч көн дәвамында предприятиеләрнең геологик эзләнүләр өлкәсендәге казанышларын, җир асты байлыкларын өйрәнү һәм үзләштерү буенча фән кулланышлы технологияләрнең үсешең һәм кулланылышын күрсәтүче экспозицияләр белән танышачаклар. Күргәзмәдә җир асты байлыкларын геологик өйрәнүнең, минераль чимал базасын яңадан торгызуның торышын һәм проблемаларын, файдалы казылмалар чыгару буенча иң яңа технологияләрне чагылдыручы бүлекләр булачак.
         “Җир асты байлыклары-2014” күргәзмәсенең эшлекле программасы кысаларында җир асты байлыкларыннан файдалануның иң актуаль проблемалары, Россия Федерациясенең минераль чимал базасын үстерү перспективалары буенча фәнни-техник чаралар үткәреләчәк.
          Күргәзмәдә катнашуга үз экспозициясен күрсәтергә теләүче оешмалар чакырыла. Теркәлү өчен Оештыручы адресына катнашу турында гариза җибәрергә кирәк, ул Оештыручы билгеләгән формада языла һәм фирма вәкиле тарафыннан имзалана.