ЯҢАЛЫКЛАР

16
апрель, 2013 ел
сишәмбе
Төзелеш калдыклары чүплеге
Бүген Татарстан Экология һәм табигый байлыклар министрлыгы Киров районы буйлап рейд оештырды. Инспекторларның аеруча игътибары Архангель урамы аша Лагерь станциясенә илтә торган юл буендагы бер кишәрлеккә юнәлде. Андагы чүп-чар тауларының төзелеш калдыклары булуы ачыкланды.
Инспекторлар күбәйде
Бүген Татарстан Экология һәм табигый байлыклар министрлыгы бинасы янында бөтен республиканың территориаль идарәләреннән җыелган инспекторлар сафка тезелде. Барлыгы 57 инспектор булды, шуларның 37се – Кама буе, Кама аръягы, Ык буе, Идел аръягы, Идел-Кама, Көньяк-Көнчыгыш һәм Төньяк территориаль идарәләреннән. Бүген үк алар, Үзәк территориаль идарә инспекторлары белән бергә, Казан шәһәре буйлап санитар-экологик рейдка юнәлделәр. Бер генә район да игътибардан читтә калмаячак.
15
апрель, 2013 ел
дүшәмбе
Конкурс дәвам итә
“Балалар илне сүрәтли” дигән 7нче республика телевидение конкурсы дәвам итә. Быелгы темаларның берсе Экологик культура һәм әйләнә-тирәлекне саклау елына багышланган. Конкурсны оештыручылар – “Татарстан” ДТРК, Татарстан Экология һәм табигый байлыклар министрлыгы, “Бердәм Россия” политик партиясенең региональ бүлекчәсе. Бу юлы жюри хөкеменә үз эшләрен Чүпрәле сәнгать мәктәбе укучылары тәкъдим итте. Конкурс 25 мартта башланды һәм өч этапта уза. 2013 елның 27 маенда йомгаклар ясалып, җиңүчеләр игълан ителәчәк.
Экологик чиста коллекция
Мамадыш районы Мәдәният йортында гадәти булмаган киемнәр коллекциясе күрсәтелде. Экологик культура һәм әйләнә-тирәлекне саклау елы кысаларында Мамадыш райбашкармасының ЗАГС бүлеге белгечләре экологик чиста калдыклардан хатын-кыз киемнәре әзерләгәннәр. Күлмәкләр, ябынчалар һәм хәтта туй киемнәре өчен материал сыйфатында сырлы кәгазь, журналлар, полиэтилен пакетлар, яшелчә капчыклары һәм башка бакчачылык әйберләре кулланылган. Коллекция белән районның өлкән класс кызлары кызыксынып киткән, шундый киемнәрне чыгарылыш балларында кияргә ниятлиләр икән.
15 апрель – Экологик белемнәр көне

15 апрель көнне Татарстанның күп кенә вузларында, китапханәләрендә һәм фәнни оешмаларында экология һәм әйләнә-тирәлекне саклау мәсьәләләренә багышланган төрле конференцияләр, семинарлар, күргәзмәләр, бәйрәмнәр, түгәрәк өстәлләр һәм башка чаралар уздырылды. Иң яшь табигать дуслары да игътибардан читтә калмады. Татарстан Экология һәм табигый байлыклар министрлыгының экологик белем бирү һәм җәмәгать оешмалары белән хезмәттәшлек бүлеге хезмәткәрләре, Зооботаник бакча хезмәткәрләре белән берлектә, “Яшь эколог мәктәбе” балалары өчен Казан Зооботаник бакчасы буйлап мавыктыргыч экскурсия үткәрделәр.
Бердәмлектә көч
Экологик культура һәм әйләнә-тирәлекне саклау елы кысаларында республика башкаласының чисталыгына һәм тәртибенә аеруча зур игътибар биреләчәк. Бу турыда Казанның җәмәгать оешмалары вәкилләре белән очрашуда Татарстан Экология һәм табигый байлыклар министрлыгының Үзәк территориаль идарәсе башлыгы Илһам Сабиров белдерде.
12
апрель, 2013 ел
җомга
Күлне төзекләндерү

15 апрельдә Татарстан Экология һәм табигый байлыклар министрлыгында 7нче Казан шәһәр клиник больницасы янындагы күлне чистарту һәм төзекләндерү буенча киңәшмә булып узды. Түгәрәк өстәл артына Министрлык, Казан шәһәр Башкарма комитеты, Министрлыкның Иҗтимагый экологик советы, “Татинвестгражданпроект” проект оешмасы вәкилләре җыелды.

Экологик белемнәр көне
15 апрельдә Казанның Зооботаник бакчасында Татарстан Экология һәм табигый байлыклар министрлыгы хезмәткәрләре, Зооботаник бакча хезмәткәрләре белән берлектә, Экологик белемнәр көне үткәрәләр. Бу күчмә экологик агарту чарасы “Яшь экологлар мәктәбе”ндә укучы балалар өчен оештырыла. Планда – экологик викториналар һәм мастер-класслар, атап әйткәндә, Министрлык хезмәткәрләре балаларга үсемлекләрне дөрес утырту һәм карау турында сөйләячәкләр.
11
апрель, 2013 ел
пәнҗешәмбе
«Экологик аң көне»
2013 елның 15–18 апрелендә Татарстанның Азнакай, Актаныш, Мөслим һәм Сарман районнарында 5-8 класс укучылары өчен “Экологик аң көне” кысаларында экологик дәресләр үткәреләчәк. Аларда Татарстан Экология һәм табигый байлыклар министрлыгы хезмәткәрләре дә актив катнашачак.
«Татарстан» ДТРК радиосында туры эфир
Бүген Татарстан экология һәм табигый байлыклар министры Артем Сидоров “Татарстан” ДТРК радиосында “Яңа көн” вакыйгалар панорамасы программасында катнашты. Туры эфир вакытында сүз экологик культура һәм әйләнә-тирәлекне саклау елы кысаларындагы программаларны тормышка ашыру; “Агач утырт”, “Парклар маршы”, “Атадан улга”, “Чисталык дәресләре”, “Сыерчыклар килде” акцияләрен әзерләү һәм үткәрү; шулай ук санитар-экологик икеайлыкка әзерләнү турында барды. Артем Сидоров радио тыңлаучыларның сорауларына җаваплар да бирде.
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International