Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

апрель, 2013 ел

дүшәмбе

Татарстан Экология һәм табигый байлыклар министрлыгының программ продуктлары тәкъдим ителде

Бүген Татарстан Экология һәм табигый байлыклар министрлыгының программ продуктлары тәкъдим ителде. Атап әйткәндә, – “Татарстан Республикасының экологик картасы” геоинформацион системасы, “Халык контроле” дәүләти информация системасы. Кунакларны министр Артем Сидоров тәбрикләде.

Рөстәм Миңнеханов: Калдыклар белән нәтиҗәле эш итүне тәэмин итәрлек тулы кыйммәтле көйләү системасы, сәүдә һәм администрация инструментлары җыелмасы булдырырга кирәк

Экологик проблемаларны чишүгә Татарстан Хөкүмәте эшендә зур өстенлек бирелә. Бу турыда бүген республикада калдыклар белән эш итүнең бердәм комплекслы системасын оештыру мәсьәләләренә багышланган киңәйтелгән киңәшмәдә Татарстан Республикасы Президенты Рөстәм Миңнеханов белдерде. Барлык муниципаль районнар белән видеоконференция режимындагы бу киңәшмә Татарстан Хөкүмәте йортында узды. Аны Табигатьтән файдалану өлкәсендә күзәтчелек федераль хезмәте җитәкчесе Владимир Кириллов алып барды. Киңәшмә эшендә Татарстан экология һәм табигый байлыклар министры Артем Сидоров та катнашты.

Рөстәм Миңнеханов Табигатьтән файдалану өлкәсендә күзәтчелек федераль хезмәте җитәкчесе Владимир Кириллов белән очрашты

Татарстан Республикасы Президенты Рөстәм Миңнеханов бүген Табигатьтән файдалану өлкәсендә күзәтчелек федераль хезмәте җитәкчесе Владимир Кириллов белән очрашты.

Очрашу Татарстан Республикасы Хөкүмәте Йортында узды. Исегезгә төшерәбез: Владимир Кириллов Казанга Татарстанда калдыклар белән идарә итүнең бердәм комплекслы системасын оештыру мәсьәләләренә багышланган киңәйтелгән утырыш үткәрү өчен килгән иде.

III Идел буе экологик атнасы

Июнь башында Ульяновск өлкәсендә III Идел буе экологик атнасы, аның кысаларында исә “Идел буе Федераль округында экобизнес” дигән форум һәм регион-ара күргәзмә уздырылачак. Форум пленар утырыш һәм түгәрәк өстәлләрне үз эченә ала, аларда Татарстан Экология һәм табигый байлыклар министрлыгы делегациясенең дә катнашуы күздә тотыла. “Идел буе Федераль округында экобизнес” регион-ара күргәзмәсендә предприятие һәм оешмаларның табигатьтән рациональ файдалану һәм экология буенча инновацион эшләнмәләр өлкәсендәге алдынгы тәҗрибәләре тәкъдим ителәчәк.

апрель, 2013 ел

җомга

Казан территориясен һавадан күзәтү

Бүген, санитар-экологик икеайлык кысаларында, Казан территориясе вертолеттан күзәтелде. Татарстан экология һәм табигый байлыклар министры урынбасары Рәмил Низамов һәм министрлыкның Үзәк территориаль идарәсе башлыгы Илһам Сабиров шәһәр һәм шәһәр яны территорияләрен рөхсәтсез чүп-чар ташлау урыннарын һәм башка тәртип бозуларны ачыклау максаты белән күзәттеләр.

апрель, 2013 ел

пәнҗешәмбе

«ЭКОлаб» компаниясе белән очрашу

25 апрель көнне Татарстан Экология һәм табигый байлыклар министрлыгында, министрның инвестиция-инновация эшчәнлеге буенча урынбасары Равил Кузюров рәислегендә, “ЭКОлаб” компаниясе вәкилләре белән очрашу булып узды.

Кунаклар арасында “ЭКОлаб” ЯАҖ һәм “НАЛКО” ҖЧҖ генераль директоры Вацлав Харант, “ЭКОлаб” компаниясенең дәүләт органнары белән элемтә буенча вице-президенты Рамола Мусанте, “НАЛКО” ҖЧҖ су эшкәртү буенча бизнес менеджеры Алексей Латышев бар иде. Очрашуда катнашучылар “ЭКОлаб” компаниясенең Татарстан территориясендәге индустрия объектларында экологик күрсәткечләрне яхшырту буенча эшчәнлеген киңәйтү мөмкинлекләрен тикшерделәр.

«Яз килде» экологик белем бирү чарасы

Казанның мәктәпкәчә яшьтәге инвалид балаларны социаль тернәкләндерү үзәге “Здравушка”да, “Экологик тернәкләндерү” проектын тормышка ашыру кысаларында, “Яз килде” дип аталган экологик белем бирү чарасы булып узды. “Экологик тернәкләндерү” проекты Татарстан Экология һәм табигый байлыклар министрлыгы тарафыннан 2005 елдан бирле тормышка ашырыла, ул Тернәкләндерү үзәге территориясендә мөмкинлеге чикләнгән балаларда, мәктәпкәчә оешмаларда һәм гомуми белем мәктәпләрендә укучыларда, микрорайонда яшәүчеләрдә экологик культура формалаштыруга ярдәм итә торган яңа экологик тирәлек формалары төзүгә юнәлтелгән.

«Җир – Галәм яңагында яшь» экологик конференциясе

24 апрель көнне Чистай районы Үзәк китапханәсендә “Җир – Галәм яңагында яшь” дигән экологик конференция булып узды. 1нче гимназиянең 3нче класслары һәм “Кадет эко-патруле” экологик отряды укучылары өчен булган бу чараны Татарстан Экология һәм табигый байлыклар министрлыгының Идел-Кама территориаль идарәсе хезмәткәрләре үткәрде.

Казан базарларына рейд

25 апрельдә, республикада үткәрелә торган икеайлык кысаларында, Татарстан Экология һәм табигый байлыклар министрлыгы Казан базарларына пресс-рейд оештырды. Инспекторлар шәһәрнең Идел буе һәм Мәскәү базарларының санитар-экологик торышын тикшерделәр. Идел буе районында министрлык хезмәткәрләре калдыкларны җыю һәм саклау тәртибен бозуның берничә очрагын ачыклады. Шулай ук, аларның әйтүенчә, киоскларның һәм сәүдә мәйданнарының урнашуы экологик таләпләргә туры килми.

апрель, 2013 ел

чәршәмбе

Балалар оешмалары лидерлары очрашуы

Яшь гражданнарның IV форумы кысаларында Татарстан Экология һәм табигый байлыклар министрлыгында республиканың 20 балалар оешмасы лидерларының – “Экологик тәрбия” Форумы мәйданчыгында катнашучыларның түгәрәк өстәле булып узды. “Балалар оешмалары берлеге” җәмәгать оешмасы оештырган бу түгәрәк өстәлдә Форумда катнашучылар табигать саклау һәм экологик белем бирү юнәлешендәге үз проектларын күрсәттеләр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ