«ЭКОлаб» компаниясе белән очрашу

2013 елның 25 апреле, пәнҗешәмбе
25 апрель көнне Татарстан Экология һәм табигый байлыклар министрлыгында, министрның инвестиция-инновация эшчәнлеге буенча урынбасары Равил Кузюров рәислегендә, “ЭКОлаб” компаниясе вәкилләре белән очрашу булып узды.
Кунаклар арасында “ЭКОлаб” ЯАҖ һәм “НАЛКО” ҖЧҖ генераль директоры Вацлав Харант, “ЭКОлаб” компаниясенең дәүләт органнары белән элемтә буенча вице-президенты Рамола Мусанте, “НАЛКО” ҖЧҖ су эшкәртү буенча бизнес менеджеры Алексей Латышев бар иде. Очрашуда катнашучылар “ЭКОлаб” компаниясенең Татарстан территориясендәге индустрия объектларында экологик күрсәткечләрне яхшырту буенча эшчәнлеген киңәйтү мөмкинлекләрен тикшерделәр.
11 апрельдә “ЭКОлаб” “Казан 2013”нең Башкарма дирекциясе белән партнерлык турында килешү төзеде, аның буенча “ЭКОлаб” Универсиаданың барлык спорт объектларын, халыкара мәгълүмат үзәген һәм Авылын чистарту матдәләре һәм клининг җиһазлары белән тәэмин итәчәк.
Татарстан Экология һәм табигый байлыклар министрлыгы белгечләре һәм “ЭКОлаб” вәкилләре шулай ук су чистартуда алдынгы җитештерү технологияләре һәм фәнни-тикшеренү эшләнмәләре куллану, целлюлоза-кәгазь җитештерүгә комплекслы инновацион алымнар кертү, Татарстан предприятиеләрендә тузанлануны киметү мәсьәләләрен тикшерделәр.
Белешмә өчен: “ЭКОлаб” ЯАҖ – 200дән артык төрдә номенклатур продукция чыгара торган заманча индустрия предприятиесе ул. Компаниянең инновацион алымнары һәм хезмәтләре азык-төлек индустриясенә, хезмәт күрсәтү даирәсенә, медицинага караган төрле базарларда киң таралган.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International