ЯҢАЛЫКЛАР
Ишегалды лагерьлары, мастер-класслар, квест-уеннар, санитар өмәләр, экология дәресләре – болар әле республиканың 45 муниципаль берәмлегендә эковолонтерлар тарафыннан уздырылган активлыкларның тулы булмаган исемлеге.
30 ноябрьгә кадәр экология тематикасы буенча сәхнә номерларының шәһәр фестивалендә сайлап алу туры уза. Катнашу өчен 6-18 яшьлек балалар, иҗат коллективлары да, аерым башкаручылар да чакырыла.
Татарстан Республикасы Экология һәм табигать ресурслары министрлыгы "ЭКОлидер" республика конкурсында катнашу өчен заявкалар кабул итүне дәвам итә.
Әлмәт шәһәренең гараж кооперативы территориясендәге санкцияләнмәгән чүплек турында хәбәр экологларга "Мәктәп эко-патруле" мобиль кушымтасы аша килде. ТР Экология министрлыгының Көньяк-Көнчыгыш территориаль идарәсе белгечләре урынга чыккач әлеге мәгълүмат расланды.
15 декабрьгә кадәр "Минем кече ватаным: табигать, культура, этнос" россиякүләм конкурсының шәһәр этабында катнашу өчен эшләр кабул ителә. Конкурс Казан шәһәре Мәгариф идарәсе, Шәһәр балалар экологик-биологик үзәге тарафыннан экологик профильле оешмалар белән берлектә уздырыла.
"Чиста биттән!" экологик рәсем конкурсы 1-11 сыйныфларда укучылар өчен игълан ителде.
Ел башыннан бирле ТР Экология һәм табигать ресурслары министрлыгының Республика иҗтимагый кабул итү системасына 8501 мөрәҗәгать килде. Аларның күпчелеге – 4070 – "Мәктәп эко-патруле" телефон кушымтасы буенча. "Халык контроле" системасы буенча экологлар тарафыннан 1223 хәбәр, WhatsApp, Telegram, Eco.signal, "Кайнар телефон линиясе" элемтә каналлары аша 1185 хәбәр каралды. Гражданнарны шәхсән кабул итү барышында һәм Министрлыкның кабул итү бүлмәсе аша 2023 мөрәҗәгать алынды.
Түбән Камада Түбән Кама сәнәгый узелын үстергәндә экологик куркынычсызлык тәэмин итү буенча ведомствоара эш төркеменең күчмә утырышы булды. Комиссия составында ТР экология һәм табигать ресурслары министры Александр Шадриков, Табигатьтән файдалану өлкәсендә күзәтчелек буенча федераль хезмәтнең ТР буенча идарәсе җитәкчесе Фәрит Хәйретдинов, ТР Гидрометеорология һәм әйләнә-тирәне мониторинглау идарәсе башлыгы Сергей Захаров, Түбән Кама муниципаль районы башлыгы, Түбән Кама шәһәре мэры Айдар Метшин, ТР Дәүләт Советы депутаты, "Нижнекамскнефтехим" ГАҖ генераль директоры Азат Бикмурзин катнашты.
Идел-Кама дәүләт табигать биосфера тыюлыгы территориясендә яшел утыртмаларны кисү факты законлымы? ТР Экология һәм табигать ресурслары министрлыгына гражданнардан коллектив мөрәҗәгать килде. Әлеге хәлгә бәйле рәвештә барлыкка килгән борчылу нәтиҗәсендә экологлар мөрәҗәгатьтә күрсәтелгән дәлилләрне тикшерү максатында әлеге урынга чыктылар. Яшел утыртмаларны кисү факты расланды.
"ТИСБИ" идарә университетының Әлмәт филиалы студентлары теория белемнәрен тәҗрибә белән ныгытты. "Экология" курсын өйрәнү кысаларында укучылар ТР Экология министрлыгының Көньяк-Көнчыгыш аналитик контрольлек инспекциясендә булдылар.