ЯҢАЛЫКЛАР
«Россиянең юкка чыгучы матурлыгы» Бөтенроссия экологик сәнгать конкурсында Россиянең теләсә кайсы төбәгеннән белем бирү һәм мәдәният учреждениеләре укучылары һәм педагоглары, шулай ук 3 яшьтән өлкәнрәк балалар катнаша ала. Иҗади эшләренең темасы – «Россия Федерациясенең кызыл китаплары үсемлекләре».
Ел башыннан республика иҗтимагый экологик кабул итү бүлмәсенә 2048 мөрәҗәгать килгән, шуларның 1248е инде хәл ителгән.
«Экологик иминлек» илкүләм проектына ярдәм йөзеннән үткәрелә торган «Экояз» республика конкурсына 950дән артык гариза килгән. Катнашучылар җимлекләр ясарга, өмәләргә чыгарга, агачлар утыртырга һәм башка бик күп нәрсәләр эшләргә өлгерделәр.
1 апрельдән «Экологик иминлек» илкүләм проектына ярдәм йөзеннән уздырыла торган санитар-экологик икеайлык кысаларында муниципаль берәмлекләр тарафыннан 97 мең кубометрдан артык каты көнкүреш калдыклары чыгарылды, территорияләрне чистартуга 188 меңгә якын кеше һәм 4,5 мең берәмлек техника җәлеп ителде. Татарстанда 150 меңнән артык агач һәм куак утыртылган.
ТР Экология һәм табигать ресурслар министрлыгының Ык буе идарәсе инспекторлары Баулы шәһәренең Евсеев урамында рөхсәтсез ике чүплек таптылар. Чүплекләрнең гомуми мәйданы 505 кв. м тәшкил итә. Хәзерге вакытта җир кишәрлекләренең милекчеләре билгеләнә, алар адресына хокук бозуларны бетерү кирәклеге турында кисәтүләр җибәреләчәк.
Казанның 19 нчы гимназиясендә бу көннәрдә 17 нче «Фән көннәре» фестивале уза. Быел чарага Казаннан һәм Чаллыдан фәнни тикшеренүләр белән мавыгучы 200дән артык укучы җыелды. Катнашучылар белән ТР Экология министрлыгының мәгълүмат системалары һәм экологик агарту идарәсе башлыгы Дамир Вәлиуллин аралашты.
Азнакайдагы «Кояшкай» балалар бакчасында балалар «чүп» иле буйлап сәяхәт-квестка киттеләр. Замаршка принцесса белән бергә балалар төрле биремнәрне үтәделәр: урманны чүп-чардан чистартып, хайваннарны коткардылар, табигать серләрен чиштеләр. Дәрес барышында инспекторлар балаларны урманда үз-үзеңне тоту кагыйдәләре белән таныштырды, бу аларга барлык биремнәрне дә дөрес башкарырга ярдәм итте.
ТР Экология министрлыгы Түбән Кама шәһәр судына калдыклар ташлау нәтиҗәсендә әйләнә-тирә мохиткә зыян китерү факты буенча физик затка дәгъва белән мөрәҗәгать итте. «Нефтехимик» бакчачылык ширкәтендә Алабуга районы территориясендә Костенеевка авыл җирлегендә 82 кв.м. мәйданда калдыклар ташлау урыны табылды.
Балтач гимназиясендә укучылар тантаналы рәвештә юннатларның экологик хәрәкәте сафларына керделәр. Яңа гына барлыкка килгән табигать сакчылары алдында ТР Экология министрлыгының Төньяк идарәсе һәм «Балтач» дәүләт табигать тыюлыгы инспекторлары чыгыш ясады. Аннары балалар ант иттеләр һәм юннатка алындылар.
Татарстан Экология һәм табигать ресурслары министрлыгы республика территориясендә урнашкан су объектларының кайбер исемнәрен Географик атамаларның дәүләт каталогына кертте. Хәзер объектлар исемлегендә Касыйм, Добромышка, Ржавец, Крутайка, Саинка, Шарманка елгалары һәм Карасиное күле турында мәгълүматлар бар.