Экология министрлыгының Республика иҗтимагый экокабул итү бүлмәсенә ел башыннан бирле 4,5 меңнән артык мөрәҗәгать кергән
Ел башыннан Республика иҗтимагый экологик кабул итү бүлмәсенә 4639 мөрәҗәгать кергән, шуларның 3727се хәл ителгән инде.
Министрлыкның интернет-кабул итү бүлмәсе аша 2009 белдерү килде. «Халык контроле» системасында 955 мәсьәлә теркәлгән. «Мәктәп экопатруле» мобиль кушымтасында 1542 мөрәҗәгать кабул ителгән һәм 133 сорау «ПОС» кире элемтә платформасында алынган.
Иң күп мөрәҗәгатьләр санкцияләнмәгән чүплекләр темасына килә – 2487 мөрәҗәгать. Атмосфера һавасы буенча – 728, суның сыйфаты буенча – 480, ә башка мәсьәләләр буенча 905 хәбәр килгән. Шулай ук гомумтаралган файдалы казылмалар буенча 39 мөрәҗәгать булган.
Исегезгә төшерик, табигать саклау законнары бозылуның барлык фактлары турында түбәндәге элемтә каналлары аша хәбәр итәргә мөмкин:
- «ПОС» кире элемтә платформасында;
- интернет аша кабул итү системасына: http://eco.tatarstan.ru/rus/priem.htm;
- «Халык контроле» системасындагы «Экология» категориясенә;
- «Мәктәп экопатруле» мобиль кушымтасы буенча.