ЯҢАЛЫКЛАР

Төньяк территориаль идарә инспекторларында Арчаның 3 нче башлангыч мәктәбе укучылары кунакта булдылар. Белгечләр экскурсия үткәрделәр һәм идарә эшчәнлеге турында сөйләделәр. Балаларга лабораторияне күрсәттеләр һәм мәктәп укучылары белән бергә табигый анализ үткәрделәр,  суда хлоридлар булу-булмавын билгеләделәр.

Экологлар көнендә Экология министрлыгында Түбән Кама районыннан «Чиста булачак» хәрәкәте активистлары өчен экскурсия узды. Белгечләр студентларга атмосфера һавасының пычрануынтикшереп торучы  контроль станциясен күрсәттеләр һәм аның эш принциплары турында сөйләделәр. Министрлыкның шундый 17 станциясе бар, шуларның 5се Татарстан башкаласында урнашкан.

Татарстан Экологлар көненә багышланган төбәкара экомарафонга кушылды. Чаллыда «Экология» илкүләм проектының «Экосистема: яшел эшләр марафоны» һәм «Россия суы» бөтенроссия экология акциясе кысаларында Кама, Мәләкәс һәм Шилнә елгалары ярларын чистарту узды. Оештыручылар - шәһәр администрациясе белән берлектә ТР Экология министрлыгының Кама буе территориаль идарәсе.

Төньяк территориаль идарә  инспекторлары Балтач районы Кенәбаш мәктәбе укучыларын табигатьне сакларга һәм экоакцияләрдә катнашырга чакырды.

Көньяк-Көнчыгыш территориаль идарәсе инспекторлары Бөгелмә шәһәрендәге балалар экология-биология үзәгендә булдылар. Белгечләр «Чиста шәһәр синнән башлана!»  дигән темага дәрес үткәрделәр. һәм икенче сыйныф укучыларына табигатьне ничек һәм ни өчен сакларга кирәклеге турында аңлаттылар. Мәсәлән, чүп-чарны таратмаска, учак якмаска, агачларны һәм куакларны сындырмаска.

Чирмешән районында санитар-экологик икеайлыкта 1000нән артык кеше катнашты. Көньяк-Көнчыгыш территориаль идарәсе белгече Венера Мингалиева Чирмешән районының Лашман авылында яшәүчеләрне котлады.

Экология министрлыгының Кама буе территориаль идарәсе хезмәткәрләре 30 нчы балалар бакчасында «Табигать безнең йорт» дигән экологик бәйрәм үткәрделәр. Балалар инспекторларга шигырьләр сөйләделәр, чүп-чарны сортлый белүләрен күрсәттеләр, урманда үз-үзләрен тоту кагыйдәләре белән уртаклаштылар.

Буа шәһәренең Р.З. Сәгъдиев исемендәге мәктәбендә Идел аръягы территориаль идарәсе белгечләре экологик дәрес үткәрделәр. Чара X Нева халыкара конгрессының  төбәк экологик атналыгы кысаларында узды.

X Нева халыкара экологик конгрессының  төбәк экоатналыгы кысаларында Идел-Кама территориаль идарәсе белгечләре экологик дәрес үткәрделәр. Алексеевск районының 3 нче мәктәбе укучыларына экология министрлыгы инспекторлары кечерәк кардәшләребез турында ничек кайгыртырга кирәклеге турында сөйләделәр, ә тугызынчы сыйныф укучылары кече сыйныф укучылары өчен «Кошлар дөньясында» дигән викторина үткәрделәр.

Йөзгә якын Түбән Кама укучысы ачык экодәрестә катнашты. Эко-әңгәмә «Пластикның икенче тормышы» темасына үткәрелде.  «Түбән Кама нефть химиясе» хезмәткәрләре алтынчы сыйныф укучыларына полимерларның экологик яктан чиста булуы, аларны икенчел эшкәртү мөмкинлекләре һәм калдыкларны аерым җыю турында сөйләделәр. Чара ТР Экология министрлыгы ярдәмендә X Нева Халыкара Экология конгрессының  төбәк экоатналыгы  кысаларында узды.