Чаллыда «Экойөгереш» булып узды
Санитар-экологик икеайлык кысаларында Чаллы шәһәрендә «Экойөгереш» узды. Чарада 195 кеше катнашты. Мәктәп укучылары һәм шәһәр студентлары уртак көч белән 3 гектарга якын территорияне чистарттылар.
Халык чистарту эшләрендә генә түгел, ә уеннарда да катнашты. Флешмоблар һәм экологик викториналар оештырылды. Катнашучылар үзләре әйтүенчә, командалар артефактлар җыйган – иң истә калганы – «Гадәти булмаган табыш» конкурсы.
«Без үсеп килүче буынның әйләнә-тирә мохит проблемаларына битараф булмавына һәм шәһәребезнең чисталыгы турында кайгыртуына шатбыз», – дип билгеләп үтте Кама буе идарәсе белгече Ләйлә Галимова.
«Экойөгереш» ахырында барлык катнашучыларны дипломнар һәм истәлекле призлар белән бүләкләделәр.
Җиңүчеләр түбәндәгеләр:
3 урын - «54 нче гимназия» МББУ;
2 урын - «Җиңү волонтерлары» иҗтимагый хәрәкәте;
1 урын - «Советлар Союзы Герое Никита Кайманов исемендәге кадет мәктәбе» ДБГБУ.