Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсенә Россия Гадәттән тыш хәлләр министрлыгының Татарстан Республикасы буенча Баш идарәсеннән Бөгелмә районы Карабаш бистәсе янында, «Лениногорскнефть» нефть һәм газ чыгару идарәсенә караган 1 нче нефть һәм газ чыгару цехы мәйданчыгында нефть продуктларын агызу турында хәбәр килде.
ТР Экология һәм табигать ресурслары министрлыгының Идел-Кама территориаль идарәсе белгечләре җир асты байлыкларыннан файдаланучылар тарафыннан ком-вакташ катнашмасын чыгаруга лицензия шартларының үтәлүен тикшерү максатында Куйбышев сусаклагычы акваториясендә күзәтчелек чаралары үткәрделәр.
ТР Экология министрлыгы тарафыннан «Нижнекамский Жилкомсервис» ҖЧҖ предприятиесе хисапларын анализлау нәтиҗәләре буенча, әлеге предприятиенең чистарту корылмаларыннан агып чыккан агынты суларда пычраткыч матдәләр күләменең артуы ачыкланды.
Бөгелмә районында Бөгелмә елгасы ярының пычрануы турындагы мәгълүмат буенча ТР Экология министрлыгының Көньяк-Көнчыгыш территориаль идарәсе инспекторлары урынга чыктылар. Территорияне тикшерү барышында ике чүплек ачыкланган. Берсендә, 150 кв. м мәйданда – төзелеш һәм көнкүреш калдыклары, икенчесендә 75 кв. м мәйданда автомобиль шиннары саклана.
ТР Экология министрлыгының Үзәк территориаль идарәсе инспекторлары Питрәч районының «Мешинские усадьбы» коттедж поселогы янында җир эшләре үткәрү турындагы мәгълүмат буенча урынга чыктылар. Урынга чыгу вакытында җир эшләре үткәрелмәгән, территориядә техника булмаган, әмма инспекторлар җир участогында туфракның уңдырышлы катламы алынуын теркәгән.
Азнакай районы территориясен тикшерү барышында ТР Экология министрлыгының Ык буе территориаль идарәсе инспекторлары Кәкре Елга авыл җирлеге территориясендә рөхсәтсез калдыклар җыюны ачыклаганнар.
Татарстан Республикасы Экология һәм табигать ресурслары министрлыгының Үзәк территориаль идарәсе инспекторлары экологик күзәтчелекне тәэмин итү үзәк бүлеге белән берлектә Казан шәһәренең Киров районы Светлое күленә агынты сулар агызу турындагы мәгълүмат буенча урынга чыктылар.
Алабуга районы Колосовка авылында Татарстан Экология һәм табигать ресурслары министрлыгының Кама яны территориаль идарәсе экологлары рөхсәтсез калдыклар җыю урынын ачыклаган. Пычранган урын мәйданы 420 квадрат метр тәшкил итә.
Чаллыны тикшерү барышында ТР Экология министрлыгының Кама яны территориаль идарәсе инспекторлары рөхсәтсез калдыклар җыюны ачыкладылар. Чаллы шәһәренең Минзәлә трактында эшкәртелгән шиннар һәм автомобиль детальләре сакланган. Чүпләнгән территориянең мәйданы 375 кв.м тәшкил итә, чүплекнең күләме – 112,5 куб. м.
Социаль челтәрләрдә борчылган татарстанлылар Әлмәтнең «Сәламәтлек» паркында күбекләнеп торган ак төстәге билгесез матдәнең Бигәш елгасына агып төшүе турында хәбәр иттеләр. ТР Экология министрлыгының Көньяк-Көнчыгыш территориаль идарәсе лабораториясе инспекторлары һәм белгечләре тиз арада шул урынга чыктылар.