ЯҢАЛЫКЛАР

Бүген Татарстанның барлык шәһәр һәм районнарында “Яшел Россия” экологик өмәсе үткәрелде. Аның максаты – Россия шәһәрләренең һәм төбәкләренең экологик торышын яхшырту иде. Татарстан экология һәм табигый байлыклар министры Артем Сидоров акцияне Апас районы Әнәле авылында башлап җибәрде, анда чишмә янында агачлар утыртылды.

Татарстанның Тәтеш районында территориаль идарәләр белгечләренең техник укуы үткәрелде, анда Татарстан экология һәм табигый байлыклар министры Артем Сидоров та катнашты.
Татарстан Экология һәм табигый байлыклар министрлыгы белгечләре, Татарстан буенча Россия Табигать күзәтчелеге, Татарстан буенча Росреестр идарәсе, Татарстан буенча ЭЭМның Экономик җинаятьләр белән көрәш идарәсе, “Татарстан Республикасының геологиясе һәм җир асты байлыкларыннан файдалану фәнни-җитештерү идарәсе” дәүләти унитар предприятиесе вәкилләре җирле әһәмияттәге кишәрлекләргә карата җир асты байлыкларын геологик өйрәнү, рациональ файдалану һәм саклау, шулай ук федераль дәүләти күзәтчелеккә карамаган су объектларын файдалану һәм саклау буенча региональ дәүләти күзәтчелекне оештыру һәм үткәрү мәсьәләләрен тикшерделәр. Шундый темаларга докладлар тыңланды:

Бүген 13.00дә “Татмедиа” агентлыгында (Декабристлар ур. 2) “Мәктәп эко-патруле” еллык республика конкурсы башлану уңаеннан пресс-конференция үткәрелә. Бу тармак-ара еллык конкурс Татарстан Мәгълүматлаштыру һәм элемтә министрлыгы, Татарстан Мәгариф һәм фән министрлыгы белән бергә Татарстан Экология һәм табигый байлыклар министрлыгы тарафыннан нигезләнгән. Максаты – гомуми белем бирү оешмаларында укучыларны әйләнә-тирәлекнең торышын яхшырту буенча практик эшләргә оештыру.

Татарстан экология һәм табигый байлыклар министры Артем Сидоров һәм Түбән Кама муниципаль районы башлыгы Айдар Метшин “Түбән Кама муниципаль районының әйләнә-тирәлеген саклау” озайлы максатчан республика программасы кысаларында тормышка ашырылучы чараларны тикшерделәр. Түбән Камада 2014 елның 25 августында экологик куркынычсызлыкны тәэмин итү буенча тармак-ара эш төркеме утырышы булып узды. Эш төркеме әгъзалары анда “Түбән Кама-нефтехим” ААҖнең 2014-2020 елларга яңа экологик программасын, “ТАИФ-НК” ААҖнең табигать саклау чараларын һәм мотор ягулыгы парларын рекуперацияләү технологиясен иңдерү мәсьәләләрен карадылар.

Түбән Камада эшче яшьләр Татарстан экология һәм табигый байлыклар министры Артем Сидоров һәм Түбән Кама район башлыгы Айдар Метшин белән очраштылар. Түбән Кама химик технология институтының лекцияләр залына ике йөздән артык кеше җыелган иде.

Түбән Каманың “Кояшлы ялан” паркында Татарстан Экология һәм табигый байлыклар министрлыгы һәм Түбән Кама шәһәр хакимияте вәкилләреннән торган “СССР” командасы һәм Түбән Кама яшьләренең җыелма командасы арасында футбол матчы үткәрелде.

Казан шәһәренең Идел буе районындагы 48нче мәктәпнең җиденче класс укучылары һәм укытучылары экологик акциядә катнашып Хәрби шәһәрчек турысында Урта Кабан күле ярларын чүп-чардан тазарттылар. Чара Татарстан Экология һәм табигый байлыклар министрлыгының экологик агарту һәм җәмәгать оешмалары белән бәйләнешләр бүлеге ярдәмендә үткәрелде. Бүлек башлыгы Дамир Вәлиуллин актив эшчәнлек өчен рәхмәт белдерде, Татарстан мәктәпләрендә яңа уку елы белән бергә башлана торган “Мәктәп эко-патруле” конкурсында катнашырга чакырды.

Бүген Татарстан Экология һәм табигый байлыклар министрлыгында “Татарстан Республикасы Экология һәм табигый байлыклар министрлыгының иң яхшы дәүләти гражданлык хезмәткәре” исеменә конкурста җиңүчеләр бүләкләнде. Конкурска йомгак ясау комиссиясе утырышы беркетмәсе нигезендә түбәндәгеләр җиңүче дип танылды:

Әйләнә-тирәлек буенча Берләшкән Милләтләр Оешмасы (ЮНЕП) мәктәп балалары һәм студентлар өчен “Уйла! Аша! Сакла!” конкурсы игълан итте. Анда бөтен дөньяның мәктәп балалары һәм студентлары катнаша ала. Конкурста катнашу өчен аларга шундый бурычларның теләсә кайсын чишә торган берничә чара яисә проект башкарырга кирәк:
– үз уку йортыңдагы азык-төлек калдыкларын бәяләү һәм шуның сәбәпләрен билгеләү/аңлау;

2014 елның 21-24 сентябрендә Санкт-Петербургта “Әйләнә-тирәлек һәм кеше саулыгы: хәзерге микробиологиянең фундаменталь, клиник һәм экологик аспектлары” дигән Өченче халыкара экологик форум үткәрелә. ЭкоФорум-2014 эшендә Россия, БДБ, Европа берлеге, АКШ, Япония һәм башка илләрдән галимнәр катнаша.